دعاء نصف سري

يارب .. ياخالق السما والارض

والطول والعرض

يارب .. ياربي 

ياربنا يارب المستضعفين

والخائبين والفرحانين 

يا الله .. اللهم اني ادعوك

ان تصلي علي نبينا محمد صلي الله عليه وسلم

اللهم اني ادعوك 

ان ترحمها وتراعها 

تحميها من نفسها 

ومن الدينا 

ان تنور ليها روحها وعقلها وقلبها

يارب 

اللهم اني اشهدك 

انها عبدتك بنت عبدك

ابنة أمتك

ناصيتها بيدك

ماضا حكمك 

عدلا فيها قضائك

ان تراعها وتبعتلها كل يوم

ملاك يصلي عليها لغاية ما تنام

يارب 

والنبي خلي يومي قبل يومها

سامحها علي تقصيرها من ناحيتك

يارب 

انت عارف كويس اد ايه هي بتحبك

يارب 

هي مالهاش غيرك 

ولا اهلها ولا صاحبها 

ولا حتي نفسها

انت خلقتها

ونفخت فيها من روحك

انا عارف انك مش ناسيها

بس هي برده عمرها ما بطلت تحبك

حتي وان نست او مقالتش دا

يارب 

بحق سمائك اراعها من علاك

يارب 

احميها واهديلها سرها 

ونور لها من نورك 

قلبها وعقلها 

وروحها 

يارب

خلقتنا من طين 

بحبك وحنانك اديتنا من روحك

دافيها بنورك وبروحك

احضنها بملايكتك

بسحابك

بمخلوقاتك

يارب

نجحها في حياتها

ونولها احلامها

حتي لو بعيدة

حتي ولو مش سعيدة

حتي ولو مش ملونة

بارك ليها 

بسمتها 

بارك ليها 

ناجحها

بارك ليها 

حياتها

بارك ليها

اهلها واصحابها

حتي لو انا مش ضمنهم

او لو ضمنهم

نورك اكبر ورحمتك اشمل واعم

حبك ليها 

اكبر من اي شئ

يارب

ياللي عمرك ما بتقفل بابك في وش حد

يارب

ياللي قولت ادعوني استجب ليكم

يارب

لو ينفع اني اطلب

منك دا يارب

كل اللي هي محتاجه منك يارب

حضن كبير دافي طويل

يارب

انتي ادري بكل شئ

وعالم بالكلام اللي مش عارف اقوله

والدعا اللي ساكت

يارب

اللهم اني اشهدتك اني احبك

واسلمت وجهي ليك

فارحمني

وتقبل دعاء عبدك الخاطي

المقصر

يارب

عاوز لما اقابلك تكون حاببني

واكون بضحك

واكون لوحدي

يارب

دي امانتي استودعتها عندك

لحين نلتقي

:)

أفيش فاضي

بوصي بقي 

عاوز اقولك علي كام شئ

كدا علشان بس انا جبت اخري

الحياة عمرها وعلاقتنا تحديدا

عمرها ولا عمرها ما هتكون فيلم سيما

انتي بتحبي تتفرجي علي الافلام العربي

وتعيطي و تقولي 

آحيه بجد هو دا الحب

اللي انا بحلم بيه

احب اقولك ان دا عمره ما كان حقيقي

لو انا جيتلك ببدلة موف  بالعربية وفضلت اضربلك كلاكس

وطلعلتك من الشباك 

ومعايا بوكيه ورد وفضلت اقولك سامحيني

علشان زعلتك

الجيران هيطلعوا ف الغالب يسبوا الدين

وهيقولوا عليا اني شاذ

عمرنا  لو اتقابلنا علي البحر

حتي لو متجوزين هبوسك ف بوقك

وهفضل اتمرغ انا وانتي ف الرملة

لان البحر فاضي ولان دي رومانسية

سيبك اننا هنتسحل سحلة الكلاب

سيبك من محضر الاداب اللي مستنينا

الرملة هتمرمط كرامة اهلينا

وهتكفر ايامنا

عمري ما هكون سكران وهجيلك تحت البيت

واقولك انا بحبك

وكلمني علي الموبيل

وانتي هتردي عليا 

وهتخافي عليا

وتفضلي معايا ع الخط لغاية ما اروح

ولا كانك متربية في خمارة

وانا متربي زريبة

ولا كأن فيه عسكر

ولاكأن فيه جيران

مش هخونك مع كوكب الارض

واجي اقولك انتي عارفة اني بحبك انتي

مش هعرف كل الكوكب واقولك انتي اللي جوه القلب

مش هحطلك اعلان

اقولك اتجوزيني

ولا هتصل باسامة زفت اقوله مشكلتي

ولا هبعلتك رسالة علي شريط ميلودي

ولا بال mmu

ازاي بتقدري تشوفي ان دي رومانسية؟

وبعدين نفترض اني علمت دا

انتي عمرك

ما تستحقي اني اعلمك نسخة

من نسخة

انتي طبعة اولي

اصلية

الافلام فيها

cut

و

photo montage

بيدل علي مرور الوقت وتبدل الزمن

فيها كمان

تصاعد وهبوط مدروس

فيها سيناريو واضاءة

ومساعد مخرج

فيه مونتاج بنقطع القع السخيفة

والطويلة والمملة والمكررة

الحياة فيها انا وانتي

بس

انا بحبك بكل اشكالك

بحبك زي حبي لبلدي الغريبة دي

اللي بتكفرني بيها وفيها

بحبك وبعشق شعرك ولون بشرتك

اللي بيفكرني بالشيكولاته السايحة

الافلام العربي

يا اما حالمة

لدرجة العبط

يا واقعة لدرجة الالم

يا اما تافهة لدرجة الترجيع

يمكن انا مش حلو زي احمد عز

ومش 60 راجل ف بعض زي احمد السقا

ولا جسمي حلو زي اسر ياسين

بس انا عمري برده ما طلبت انك تكوني زي يسرا اللوزي

او مثقفة زي هند صبري

ولا تلبسي زي داليا البحيري

انا عوزك انتي

تكوني 

فيلمي

قصتي

وسيناريوهي

وحواري

اخراجي ومونتاجي

اعلي ايرادت

واحسن راي نقاد

احلي بوستر ف اوضتي

انا بحبك انتي بطريقيتي وبطريقيتك

مش بطريقة افلام عمرها ما هتحصل

وبيضحكوا عليكي بيها

علشان ياخدو فلوسك

ودموعك

انا عاوزك انتي 

بكل تفاصيلك وبكل ديفوهاتك

اقبليني زي ما انا

انتي مشاهدتي الوحيدة

وانتي جمهوري الوحيد

انتي اكبر شاشة عرض ليا

واحلي بكرة خام 

صدقيني لما اقولك

ف كل مرة

اني بعشقك
أو بسئلك انتي ليه وازاي حبيتي واحد زي؟

بعشق ضوافرك المعمولة بلون مش باين

الكحل تحت عنيكي

الدبابيس الصغيرة اللي بتثبتي بيها خصلك

طريقتك وانتي بتخبي ضحتك

طرف ودانك اللي بتحكيه لما تتحرجي

حبيبتي

وستي وتاجة راسي

انا مش عاوز اكون فيلم عيد

او فيلم مواسم

انا مش مرحلة انتقالية 

ولا حكومة اداء اعمال

انا مش عاوز بالخلود

لانه مش موجود

ومش عاوز كلام رومانسي

لان

كفاية اني بس اشوفك بتضحكي دي نعمة لا تقدر 

انا عاوزك تدعيلي

عاوزك تحضنيني بقلبك

وتعنفيني بعنيكي

وتضحكيلي بروحك

عاوزك انتي

انتي

نجمتي المفضلة

أشكرك علي كونك 

انتي

حبيبتي

عزيزتي الجلطة

اهداء الي القدم السليمة

:)

عزيزتي الجلطة

ازيك ؟ ايه الاخبار؟ احب اقولك انك وحشتيني قوي

انا عارف انك لسه موجودة

وانا عارف انك متضايقة مني

عارف كمان ان وجودك مهدد وجودي كله

بالزعل والاختفاء

بس صدقيني 

الفترة اللي فاتت مكنش قصدي خالص اخليكي 

تتضايقي وتقومي 

مكنش  قصدي انك تنشطي 

بس كنت محتاجك قوي 

لحاجات كتير

عارفه يا جلطة 

لما مش بتبقي حاسه باي شئ

باي شئ 

انتي مثلا اسمك جلطة ليه؟

علشان الدم بيتجمع في مكان وبيقف ف مكانه

مش بيجري ويبقي حر

متجلط

صح؟

انا تقريبا زي

متجلط

انتي بقي ساعات بتساعديني 

اني احس

اني اصلا عايش وان الريموت شغال

واني مش انسان 

عارف انك ممكن تزعلي مني

و ان زعلك مش لطيف

بس صدقيني

وانا عارف ومتاكد انك متاكده 

اني مكنش قصدي غير اني احس

باي شئ

حتي ولو بيكي

عزيزتي الجلطة

اوقات كتير 

بحسك وحيدة قوي

وانك غامضة قوي

حتي لما روحت للدكتور سكت

وبص عليكي ف الاشعة وقال

غريبة 

انت اللي ف سنك مينفعش تجليهم بالشكل دا

مفهمتش يعني ايه اللي ف سني؟

يمكن علشان كنت صغير وقتها؟

بس 

السن مش المعيار

صدقيني

مع اني صغير بس كبرت بدري 

وزيادة عن اللزوم

شوفت حاجات كان المفروض اشوفها اليومين دول

حسيت بحاجات 

مكنش لازم ولا ينفع احسها

بما فيهم انتي ع فكرة

انا عمري ما كرهتك

مع انك المفروض بتهددي حياتي 

بس انا واثق فيكي

لانك جوايا 

وعارفه كويس قوي

انا عامل ازاي

وياما ساعدتيني

عزيزتي الجلطة

أحببت ان اقول لكي بكل بساطة

أشكرك

حكاية منسية

جاءت خلعت شنطتها

وطرحتها

وارتدت بيجامتها الصغيرة الضيقة 

القديمة 

حلت شعرها 

نامت علي حجري 

وقالت

" آنه احيكلي حدوته"

عرفت حينها انها حزينة

فهي لا تطلب اي حكايات الا عندما تكون حزينة؟

هل بسبب الحبيب ؟ ام الحياة ؟ ام البيت ؟ ام الدراسة؟

ام ماذا؟

لم اسئل  بلعت اسئلتي وفضلت ان العب في شعرها كما تحبني ان افعل

واغمضت عيني 

وبدات ان احكي لها

كان يا مكان يا سعد كرام

وما يحلي الكلام الا بذكر النبي 

عليه الصلاة والسلام

ترد علي مضض بصوت مخنوق من دموعه التي لم تنزل بعد

في بلاد بعيدة عجيبة 

الناس مكنتش عايشه سعيدة 

لان البلد دي عمرها ما عرفت معني الضحك

كانت حياتهم عبارة عن الشغل وبس

عمرهم ما عرفوا يعني ايه ضحك او غنا 

بلد بعيدة 

وحيدة

مش سعيدة

لكن ف البلد دي  كانت فيه ست طيبة قوي

كانت حامل في بنوته 

البنت دي كان اسمها

" قالت اسمها في خفوت"

 الست فضلت تصلي  ل ربنا وتدعوه
علشان البنوته 
مكنتش عارفه تدعي ليها بايه
بس قالت انه يخليها 
مبسوطة وتبسط الدينا
كل يوم تدعي الست لبنتها 
ان الكره ميعرفش قلبها
ولا حد تكسر قلبها وهي تكسر قلب حد
وان يوم تتحتاج شئ وتدعي ربنا تلاقيها 
وانها لو سبتها ف نص المشوار تعرف تكمله
فضلت تدعي وتدعي لغاية ما جه اليوم
وجت البنوته للدينا
واول ما طلعت البنوته
طلعت صوت غريب قوي
كل الناس بصت للبنت
كانت بتضحك
بصوت عالي بدل البكا
من يومها الناس كلها بقت عارفة البنت 
الاول كانوا مش فاهمين وخايفين
هي بتعمل ايه
وشها وبوقها اللي علي طول بيضحك
وكانت بتعمل شئ غريب قوي
كان لما تلاقي حد زعلان وقاعد لوحده كانت 
كانت تزحف عليه وتروح ليه
وتفضل تمسك صوابعه  وتتشعلق في رقبته 
وتفضل تضحك وتضحك
لغاية  ما يبطل عياط
وبدات البنت تكبر
وبدات الضحك يزيد
ضحكتها اللي بتطلع  من جوه جوه قلبها
للعالم كله 
كانت بتفرق مع الناس
حتي لو مضحكوش
بس بمجرد ما يشوفها
كانوا بيرتاحوا
لغاية ما جه يوم و مامتها فيه تعبت
البنت قعدت جنمبها ومش عارف تعمل شئ 
غير انها ساكته وعامله تمسح علي شعرها ومش عارف تقول شئ
امها بصلتها وقالت 
انتي ليه مش بتضحكي؟؟
البنت قالت
اضحك ازاي وانتي عيانه كدا
الام قالت
اضحكي يا حبيبتي اضحكي ,البكا جربناه ومنفعش 
البكا بيكبر بدري , وبينهي اليوم اسرع
البكا مش ف كل وقت وحين ودا مش وقته ولا حينه
اضحكي وخليني اضحك


البنت فضلت تضحك لحد ما بكت


" وقمري اللي نايم ع رجلي دموعها بللت رجلي"


والبنت من ساعاتها قررت لما تبقي زعلانه تعمل حاجتين
تبص للسما وتقول اللي مزعلها وربنا هيحلها لو ليها حل
ولو مالهاش حل يبقي مفيش مشكلة
والحل التاني
انها تاخد نفس عميق عميق عميققققققققققققققققققققققققققق
وتطلعه بكلمةةةةةةة
طظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظظ


" القمر اللي ع رجلي بصت ليا ومقالتش اي شئ"


وتمر ايام لغاية ما تقابل البنوته شاب
مش زي اي شاب
شاب بيقولوا عليه ساعات بيضحك
بس محدش شافه مرة بيضحك
قابلته ناحية الشجرة اللي بتروح عندها علشان تشكي همها
للسما وللدينا
لاقيته قاعد هناك بيكتب 
وبيقرا بصوت عالي 
وبيرقص و يرقص ويرقص
ويضحك وكانه بيكلم حد
وبعدين يقعد يكتب
ويبكي
جت البنت ف يوم قربت منه وهو بيرقص
وقف
باصلها لاقيته بيعيط لسه بتسلم عليه
مشي
جري وفضل يجري معرفش يوقف
وهو بيجري لاقت الدفتر بتاعه واقع
فتحته 
واول ما فتحته رايحة حلوة قوي طلعت منه
وفضلت تتفرج علي رسومات لبنت 
من غير وش 
وكلام ع نفسه وعن حلمه اللي بيدور عليه
وعن النجوم
وعن الضحك
وعن السما
وعن الرسم
وعن الرقص
وعن الكتابة
وحتي عنها
كلام بيوصفها من غير اسم
عن الظروف 
عن كل شئ  معاكس
فضلت تقراء وتقراء
لغاية ما النجوم جت وظهر القمر
روحت وهي تقريبا بتمشي ع السحاب
ومكنتش فاهمه ليه
راحت الصبح عند نهر صغير ورا غابة صغيرة
وقعدت تبص  من خلال الميه ع السمك الصغير
وهو بيلعب وبيجري ورا بعضه
وفجاءة طلعت الدفتر 
وفضلت ترسم في اخر صفحة وشوش بتضحك
وفضلت تكتب كلام من نوعية
سمك
وسما
ونجوم
وبكره
وفضلت ترسم
وقامت ترقص زي ما شافته بيعمل امبارح
ومشت ونست الدفتر
عبقال ما وصلت البيت افتكرت الدفتر
رجعت تجري 
وتجري
لدرجة انها سمعت صوت قلبها
من كتر الخوف ومن كتر القلق
مكنتش بتاخد بالها من اي شئ وهي بتجري
لغاية ما وصلت للنهر ولا قت الدفتر زي ما سابته
ضحكت وقعدت تريح مطرح الجري الكتير
بتفتح تشوف اللي رسمته
لاقت ف الصفحة اللي ف وش اللي رسمته
رسومات جديدة مش هي اللي راسمها
فضلت تبص حواليها
وملاقتش حد بس الخط والرسومات زي رسومات الولد
صاحب الدفتر
وخط ايده 
ضحكت 
فتحت صفحة جديدة وفضلت ترسم وتكتب برده
اللي بيجي علي بالها
وخدته معاها
تاني يوم راحت عند الشجرة الكبيرة اللي شافته عندها اول مرة
وفضلت قاعده عندها لغاية الغروب
لاقيته جي 
ومش باصص ناحيتها
وقفت وبصتله
من غير ما بيصلها
مد ايده ومن غير كلام وبيشاور انه تديله شئ ما
مدت ليه الدفتر
سابه يقع
مفهمتش 
مسك ايديها وغمضلها عينيها 
وبدات يرقص ويرقص ويرقص
حست ان رجليها في السحاب
وان النجوم عبارة عن اشارات المرور
ان القمر سريريها 


" وانا القمر اللي ع رجلي مستمتع بشدة"


فتحت عينيها بصت حواليها 
ملاقتهوش 
ولا هو ولا الدفتر
لاقت ورقة
مكتوب عليها اسمها
ومكتوب تحتها


" هو انتي بجد كدا؟ "


ضحكت وفضلت تطير و تطير لغاية ما وصلت للسرير 
يومها معرفتش تنام من كتر الضحك
لدرجة ان من اول ما النهار ما طلع لمت ورد كتير ودخلت باست
امها
وفضلت تلف ع الناس وتضحك وتديهم ورد
نزلت النهر وفضلت تلعب مع السمك
وتجري وراه
عملت حاجات كتيره قوي 
لدرجة انها مش فاكره منهم شئ 
غير ان ضحكتها بقت بتنور اكتر واكتر 
تاني يوم الصبح اشترت اسكتش كبيررررر
راحت عند الشجرة 
وجابت كل الالوان اللي عندها واللي عند الناس 
وبدات ترسم وتلون كل شئ  يجي ف بالها
جاه الولد 
وفضل يرسم معاها 
فضلوا يرسموا 7 ايام 
ويلونوا اللوحة الكبيرة اللي فيها كل شئ
من حياتهم الناس الطيبة
الاهالي الحزن الفرح
كل المناسبات اللي افتكروها
واسماء الناس 
والنجوم
والسحاب
والقمر
النهر والشجرة
والغابة
السمك 
الرقص
الوجع والحنين
الفرحة والحب
كل شئ
فضلوا يسحبوها وكل واحد من اهل البلد البعيدة دي
يرسم شئ
ويزود شئ
الناس لاول مرة كانوا يشوفوا اي شئ
بالشكل دا
بدات الناس تفتكر الزمن اللي فاتت
لدرجة انه بدوا يشوفوا الزمن اللي جي
الولد والبنت سابوا البلد
وهما عاملين يضحكوا ولاول مرة ف حياتهم
وهما بيعلقوا اللوحة الكبيرة
الولد مسك ايدها
وبيقولوا انهم كل يوم بالليل
بيشوفهم بيرقصوا 
ع السحابة الكبيرة اللي فوق 
البلد البعيدة قوي
قوي
قوي
قوي


" نامت القمر اللي رجلي
مسحت دموعي 
علشان مش تصحيها 
وبصيت للصورة اللي ع المكتب
وقولت
اد ايه انت وحشتني"

“اتدري يا عزيز انا ع قناعة ان النساء خلقنا من سكر
النساء لسنا الا مخلوقات في غاية الحلاوة
لذا من السهل اذابتهن
لكن المرأة/ السكر حيت تذوب
لا تعود كما كانت
بل تتختفي و تتلاشي
وكأنها لم تضف يوما
طعما حلوا الي رجل”

—	أثير عبد الله رواية أحببتك أكثر مما ينبغي

“صدقني يا عزيز ما النسيان الا ادعاء
ندعي النسيان
لنقنع الاخرين و أنفسنا بأننا قادرون علي المضي قدما
وعلي أن يكون في حيواتنا أشخاص جدد وعوض جديد
وحياة أخري ندرك جيدا بأنها ستظل ناقصة
لكن الموت في الحقيقة لاعوض له 
كخسارتك
ففقدك لا يعوضه مال ولا زوج ولا ولد
قلت لي مرة بأننا 
لانفقد سوي ما نخشي فقدانه
ولم أؤمن وقتذاك بما قلت
ظننت حينها بان القدر لا يفرق ما نخاف خسراته 
وبين نا لايؤثر بنا غيابه
لكنني اليوم اعرف باننا لا نفقد سوي ما نخشي فقده
لاننا عادة لا نشعر بفقدان ما لايشكل لنا أهمية تذكر
…………………………………………………………
أذكر بانك قلت لي يوما بانك مؤمن بان الحب دوما ينتصر
قلت
صدقيني جمان مؤمن انا بان الحب يصنع المعجزات
لكنني اعرف اليوم كما تعرف جيدا
ان الحب اضعف من ان يخلق معجزة
أو ان يغير قدرا و مصيرا
الحب لا ينتصر في كل معاركه يا عزيز
يخسر الحب 
يخنع ويضعف وينهار و أحيانا يموت 
لكنه لا ينسي بكل حالاته
انتظرت ان تشملنا كرامة او ان تنقذنا معجزة
لكن المعجزات لم تعرف طريقنا
فتباعدت خطانا عن بعضنا بعضا
واصبح لكل منا مصير مختلف وارض بعيدة وطريق جديد”

—	أثير عبد الله رواية أحببتك أكثر مما ينبغي

......................................................

“صدقني يا عزيز لقد تسببت لي بكل أسباب البكاء 
ولقد جربت انا بسببك كل انواعه
ثق بي يا عزيز لا شئ يؤلم 
كدموع القهر
دموع القهر أكثر ملوحة من سواها
ثق بأمرأة اعتادت علي الملوحة كما لو أنها 
عاشت طوال حياتها 
ك سمكة”

—	أثير عبد لله رواية أحببتك اكثر مما ينبغي

................................................................

“

فجاءة ! انتهت المكالمة ..قررت ان تنتهي المكالمة فجاءة
فقطعت الخط من دون اي اعتبار للانسانة علي الطرف الاخر
ارسلت اليك لحظتها رسالة كتبت 
” لماذا تفعل بي هذا؟ “
أجبتني 
” مزاجي “

مزاج؟ كيف ارتضيت ان اقضي عمري بالشكل الذي يرضي مزاجك
اي مجرم ان يا عزيز 
اهديتك مرة كتاب 
men from mars women are from vennus
طلبت منك ان تقراءه
فأخبرتني ان الكتب الانجليزية تشعرك بالملل
طلبت لك عبر الانترنت نسخة عربية من الكتاب
وسألتك بعدها بشهر ان كنت قد قراته
فبررت لي عدم قرائتك له بضخامته
فلخصت لك اياه في 6 صفحات لكنك لم تجد وقتا كافيا لتقرأها
طلبت منك أن تقراء الكتاب من أجلنا يا عزيز
من أجل مستقبل أفضل و علاقة أعمق
ولم تفعل
وكأنك زاهد بعلاقتنا كلها
تبدو لي زاهدا فيها يا عزيز

”

—	أثير عبد لله رواية أحببتك اكثر مما ينبغي

...................................................................

“مأساة الالف عقدة تبجأ بغلطة 
و لقد كنت غلطتي 
التي تسببت بمئات العقد”

—	أثير عبد لله رواية أحببتك اكثر مما ينبغي

.........................................................

“أتعرف بأنك أصبحت تكتب مثلما تتحدث!..أأصبحت تشبهني بعدما انتهي كل شئ؟
يقال بأن العشاق يتشابهون في ذروة الحب يتشابهون
يتحدثون بالطريقة ذاتها 
ينظرون الي الامور من خلال المنظار نفسه
لكنك لم تكن يوما شبيها بي
تزعم الان بأننا كنا متشابهين
لكننا اصبحنا
ولم نكن”

—	أثير عبد الله رواية أحببتك أكثر مما ينبغي

....................................................................

“تحية طيبة 
قد تصلك رسالتي هذه وقد لا تصلك
قد تخونني الشجاعة واتلف الرساله بعد كتابتها
لا يهمني وصولها ..مثلما يهمني كتابتها
قدري أحمق !..تؤمنين جيدا بأن قدري أحمق 
فلا تلوميني علي قدر لا قدرة لي علي تغيير مساره
علاقتنا كانت لعبة قدرية لا سلطة لنا عليها
لا قدرة لمخلوق ضعيف علي تغيير قدر سطره قوي كبير ..كبير جدا
أفتقدك .. أفتقدك بشدة 
يبدو اني متورط بك أكثر مما كنت أظن
ولكنني لن أخنع ولن أطلب منك عودة لانني ادرك جيدا بأنك أنتهيت مني
من الغريب ان تكوني انت اختباري الراهن
دائما ما كنتي بجواري 
تشدين من ازري وتسندين ظهري بصدر قوي
لطالما كنت معي 
تسانديني في اختبارات حياتي
الهي 
كيف تكونين انت الاختبار يا جمانة
موجع ان تكوني انتي الاختبار
اعتدت ان اكون قويا معك
التجئ اليك في ضعفي لتجعلي مني رجلا أقوي
لكنني لم أخلق فيكي القوة كما فعلت معي
ولا أفخر بهذا 
كم هو سئ ان تكون علاقتنا بهذا الشكل
تشدين من ازري لاحبطك 
تجعلينني قويا لتضعفي
تحمينني لاهاجمك
تغفريت لي لازداد قسوة
لا ادري كيف تمكنت من احتمالي بتلك الصفات طوال تلك المدة
لست بسيئ ..لست بسيئ علي الاطلاق لكني اصبح كذلك معك
لا ادري لماذا ولم افهم يوم سبب ذلك
أفتقدك بشدة ..أفتقد امانا تحيطينني به علي الرغم من خصالي اللعينة
اشتقت اليكي ..اشتقت اليكي كثيرا
اكثر بكثير مما كنت اتوقع ومما تتخيلين
اخشي ان اكون قد خسرتك 
واخشي ان تغفري لي فتحرقينني بمغفرة لاطاقة لي علي تحملها
علاقتنا كانت أطهر من أن يدنسها مزاج رجل مريض مثلي
لن اطلب منك ان تعودي الي رجل يتركك ليعود فيتركك
لكن غيابك مر يا قصب السكر
تصوري كيف يكون غيابك علي رجل تدركين جيدا بأنه مدمن سكر
عبد العزيز”

—	أثير عبد الله رواية أحببتك أكثر مما ينبغي

.....................................................................

“كنت أدعو بلسان لاهج في صلاتي ..! طلبت من الله انتزاعك من قلبي 
سألته أن ينجيني من حب لا طاقة لي علي تحمله..كنت أدعوه بجوارحي
بكل ما في”

—	أثير عبد الله رواية أحببتك أكثر مما ينبغي