ايه الفكرة؟

هي ايه الفكرة انك تفضل تضحك؟ او تبكي؟

ايه الفكرة ؟؟

انك تفضل تعمل شئ بشكل مستمر؟

بنفس الاداء , بنفس الرتابة ؟

انت لو بتصلي كدا هتفقد معني الصلاة

لو بتضحك كدا هتبقي ضحكة ماسخة وهتوجعلك روحك

لو بتبكي كدا دموعك هتبقي مجرد مياه فاقده معناها او حتي طعمها

انا مش بصدق ف الابدية الا ابدية الموت

ايه الفكرة انك تفضل خايف اغلب الوقت؟ بتحب ؟ بتكره ؟ بتلعن ؟ بتسب ؟ بتضحك ؟ بتبكي ؟ بتلعب؟ بتغني ؟ بترقص ؟

اي شئ لو انت فاهم ان الفكرة ف اي شئ ف الدينا الاستمرار يبقي اسمحلي ف الغالب او بنسبة اكبر انا بشكل كبير اللي عنده مشكلة

الفكرة مش انك تستمر ولا انك تحافظ

الفكرة انك لما تعمل اي شئ مهما كان عبيط

حتي لو كان تحطي مونكير او تشرب سيجارة ف البالكونة

انك تبقي حاسس باي شئ حتي لو حاسس انك فاضي

حتي لو حاسس انك نفسك ترمي نفسك او انك لوحدك

اي شئ

الفكرة عمرها ما كانت ف الاستمرار ع فكرة

الجملة الهبلة بتاعت الوصول للمركز الاول سهل بس الحفاظ عليه هو اللي صعب

دا مبرر اهبل لانك تمرمط نفسك اكتر وتضغط نفسك اكتر

وتوجع نفسك اكتر

ف تفقد احساسك مع الوقت

الحياة مش عادلة ربنا كتب عليها كدا , مفيش شئ اسمه سعادة كاملة

مفيش شئ كامل اصلا

ولا حزن ولا فرح كل شئ ناقص انت بتحاول تزود هنا تنقص هنا لكن ف النهاية

مفيش شئ مستمر

ايام الغياب - اليوم الثاني

فيه شئ قليلن جدا يعرفوه عني وبصفة عامة لناس معينة هتفهم قصدي

يعني ايه

تبقي عاوز تقوم الصبح؟

او

اول ما تقوم من النوم , تقول اي شئ غير السؤال الابدي ” انا بجد قمت ؟ ” الموضوع مش سهل بالمناسبة

التفكير الايجابي علي ما قدر انه مهم علي اد ماهو بيخدع بسهولته

الدينا مش فراشات وموسيقي جاز ف الخلفية

الافكار دي اصبحت معي ك رفيق من فترة طويلة ما بين صعود وهبوط

مع سفر رحاب وجزء من اتفاقنا الغير معلن

ان الفترة دي هتبقي زي ورشة لكل واحد فينا , الحاجات اللي محتاج يغيرها عنده , ك انتهاز الفرصة من اجل التغيير , حتي وان كان ف اطار ضيق وبسيط وعبيط

شعور جميل لما اتوضيت , وصليت واتكلمت معاه

وقولتله انا اسف علي حاجات هو عارفها

لما وصيته علي ناس كتير بحبهم

شعور جميل اني بكتب الكلام دا دلوقتي

محتاج احس اني ف يوم هرجع اقرأه واضحك

اللي بيساعد علي تحسين الحالة الجيدة اعتقد مساعدة الناس

اللي فعلا يتسحقون المساعدة

ودا اللي قررت اني اعمله

الناس اللي انا عارف كويس انهم بس مستسلمين لفكرة الكسل او فكرة اللاشئ

ههحاول اساعدهم ف دا

ههحاول اساعد نفسي اني اكتب اكتر

فكرة ان رحاب هي المحرك لكل دا ليس جديد

لطالما حركتني

لطالما كانت هنا

حتي وان كانت الان هناك

كل دا لاشئ

سيناريو الله للاحداث يعجبني كل يوم

التداخل للاحداث , التقطيعات الحادة , والتدرج احيانا لللاظلام , والكادرات المصحابة للاضاءات جميلة بشدة

القصة تمشي بسلالسة مهما بلغت التعقيد

الان الفجر تقريبا او بعده بقليل و بفرق التوقيت فهي ف العمل بالفعل

, اليوم الثاني مر , ليس هناك ما يذكر غير اني احظر نفسي

اوعي اوعي اوعي تصدق ابتسامة الزمن

ردها ليه , لوح ليه

واكمل ف طريقك

مهما كانت الاسباب

ف اليوم الثاني مر

عن النساء

زمان ولفترة قريبة كنت دائما أرغب ف تبني بنت وأسميها أسكندرية 

أتعلم من أجلها صناعة الضفائر

أدخلها مدراس ألمانية بينما أعلمها العربي ع يدي شيخ أزهري

أجعلها تتعلم السباحة والغناء والتجويد والباليه عدة لغات

وكذا حاجه كمان

دلوقتي لا خالص كمان

ليه؟

اعتقاد شخصي بحت ربما يكون غبي وسخيف وسطحي وغير صحيح 

لكن بالنسبة لي

المرأة بصفة عامة والعربية بصفة خاصة جدا

هي صنف أرقي من 95% من الرجال 

لكن هنا ف بلادنا الموضوع مختلف هنا بقينا بنتعامل مع النساء انهم علبة تونة 

” ايه دا انتي عندك 22 سنة ولسه مش مخطوبة؟ “

” انا مخطبش واحدة مشيت معاها “

ليهم تاريخ صلاحية ينتهي ف وقت يحدده المجمتع ومحطوطين ع الرف متاحين للاي لمسه من اي حد حتي لو قط عفن يعيش ف الشارع بأختياره

لكن اقتناعي ان الرجال بصفة كبيرة والشرقيين منهم والمصريين تحديدا بصفة عامة كبيرة الا من رحم ربي

وانا غير مستثني 

أوساخ وانذال وضعفاء 

ليه بقول شئ شبه دا؟

كام مرة كنت قاعد علي قهوة وسمعت وصف تفصيلي علي جسد فتاة تمر امامك؟

كام مرة وانت بتوصل صديقة/اختك/قريبة اي احد يحمل هرومانات الانوثة وتشعر بالخوف من الاعين اللي انت عارف كويس مع انك مش عامل شئ بس انت مجرد خيال مآته لو انت مش موجود الغربان كل حيوانات الحقل هتتلم

كام مرة فكرت ” مهي تستاهل ايه اللي هي لابساه دا ؟ “ 

كام مرة فكرت ف أفكار جنسية لمجرد اماءة او تفصيلة ما؟

كام مرة حسيت بالعجز انك مش عارف تعمل اي شئ لبنت بتتعاكس او بيتم التحرش بيها؟

كام مرة ” اي حد يحمل هرومانات الانوثة ” تشكو لك اهلها اللي بيرغموها ع الزواج او علي كلية ما او علي اي شئ بصفة عامة قعدت تقول كلام علي وزن

معلش بكره احسن وكل شئ بيعدي وهما خايفين عليكي؟

دي امثلة بسيطة وهبلة علي فكرة

تيجي بقي للناس اللي بتعمل نفسها بتفهم

وفاكرين انك كونك رجل يعيطيك اي قوة او شئ مميز عن المرأة 

هتلاقي الكلمة الاشهر

القوامة

مبدئيا كدا انا عاوز حد اي حد ف الكوكب يجيب ليا شئ من السيرة النبوية ان النبي اللي نزل عليه القرآن استخدم الكلمة دي مع زوجاته

ثانيا الاية بتقول

( الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا ( 34 ) ) 

الامر مش ف المطلق ليس سداح مداح 

انك راجل ف انك بالضرورة بتفهم 

لا خالص ع فكرة 

يجي يقولك لما يضرب مراته اهو تصريح بالضرب اهو

طيب يا عم الزفت انت تعرف شروط الضرب دا ايه؟

اولا يكون بثلاث اصابع والا يترك علامة علي الجسد

او بالسواك يعني من الاخر متضربهاش انت كدا بتنبها

وقبلها اصلا 

قايلك اوعظهم 

وسبهم ف الفراش 

لكن مش تقوم سفحها قلم وكام شلوت وترميها وتقولي اصل القرآن قال

دين ايه دا اللي يقولك اضربها؟؟؟؟

يا بيه النبي اللي المفروض بعث لينا يعني 

قال 

رفقا بالقوارير 

النبي اللي عمره ما مد ايده واحدة ست

هيقول اضربوهم عذبوهم وعلقوهم علشان يسمعوا الكلام؟

دليل 2

ركز كدا معايا

ليه ربنا قال ان نساء الارض أفضل من الحور العين المخلوقين من نور اصلا؟

ليه ربنا أختار الناس تحديدا ليضع بهم سر الارض ؟

الجنة تحت أقدام الامهات , أحب اضيف معلومة مهمة بشدة الامهات دول ف الاصل نساء اه والله

السيدة خديجة اللي زوجة النبي الاولي

لما النبي جه عملت ايه؟

فقعت زرغوده علشان جوزها بقي النبي؟؟؟؟؟

ولا حضنته ودفته؟

وخدته لدار الارقم ولما أتاكدت عملت ايه؟ وزعت شربات ان جوزها نبي آخر الزمان؟

حضنته دفته لغاية ما نام

عمرك ما هتلاقيها بتكلم زوجة النبي

لا بتتكلم علي راجلها اللي بتحبه

دا معناه ان النساء ملائكة؟؟

لا خالص علي فكرة

هما صنف ملبوس اينعم فجاءة يقررون انك احسن شخصية ف حياتها وبعدها ب 10 دقائق تبقي هتولع فيك

السيناريو المتخيل اللي بيبنوه بشكل غير منطقي لمجرد انك كحيت جنمبهم

الاصرار والزن الغير المبرر علي اشياء مريبة

قول شئ وفعل شئ آخر

“حبيبتي انا هخرج مع صحابي “

“اه ياسلام انجوي يا حبيبي “

ترجع بالليل تتصل تقولك يبقي خلي صحابك ينفعوك وسبتني لوحدي

وغيرها من الحاجات المريبة 

لكنها اشياء تقدر التعامل معها

لكني لا اقدر ان اتخيل ان ابنتي ترجع وتحكي لي عن حيوان ما قرر ان يتحرش بها

عن كسرة قلب متعمده بغرض التسلية 

هتقولي اللبس وهما اللي بيجيبوه لنفسهم

هقولك اضرب نفسك بالقفا

لما ربنا يبقي واقف يحاسبك مش هيسئل حد غيرك علي أفعالك انت بس

مش هتبقي ف النادي يوم الحساب هتبقي انت وهو 

بس فقط

………………………..

ملحوظة لطيفة للبنات

هو لما ” اي من يحمل هرومانات الذكورة ” علي صلة به 

يقولك بلاش تلبسي “اي شئ” دا 

هو بيأخد باله ازاي انه ضيق قوي او محزق ؟؟؟

ملحوظة

بقيت بخاف لما بمشي مع صديقة او كائن انثوي

انا عمري ما هسمح لبنتي انها تكون جزء من علب التونة الجاهزة لقطط وسخة 

انا عمري ما هعرف أقتنع يعني ايه احنا عارفين مصلحتك؟

عمري ما هفهم يعني ايه اسمع دبلجة صوتيه لحركة وجسم فتاة تمشي 

الاحساس اللي بحسه ان يارب خدني بقي او ان الارض تنشق وتبلعني لما بسمع شئ شبه دا

انا لا رومانسي ولا كاتب شئ علشان النساء تحبه

انا برده مش بقول ان مفيش اي فرق 

ولا ان دا احسن ولا اي شئ انا بقول صنف أرقي 

من حيث حاجات كثيرة

الرجال بيبقوا عاوزين الحاجه دلوقتي بيعملوا اللي حاسينه دون الالتفات للاي شئ

يمكن بسهولة للاي سبب تافه يتخلي عنها

فيه بنات بتعمل كدا؟ اه فيه طبعا انا مقولتش ان مفيشششششششششششش ملايكه مفيش 

فيه وفيه بس الاغلبية ف مجتمع عنصري بكل أشكال العنصرية

الاغلبية هي اللي بتستحمل 

لما نبطل نخلي البنت قبل ما تنزل تفكر مليون مرة

عندما تتوقف فكرة ركوب مواصلة عامة مخاطرة غير محسوبة

عندما لا تسمع المبررات من نوعية اللبس والمشية مبرر للانتهاك الجسد

لما نبقي نلخص البنت ف جسدها 

لما نبقي نبطل وضع تاريخ صلاحية للنساء 

لما نعترف انهم كائن أرقي بشكل كبير لان الله هو من أختار ذلك

ربما ساعاتها 

أقدر علي الموت وعلي وجهي ابتسامة

حوار داخلي مع الله

انا : نفسي افهم بس بجد , اكيد فيه حكمة انك لسه سايبني اكيد , بس وعزة وجلالتك انا فعلا مش عاوز , مش أكتئاب ولا اي شئ , انت عارف كل شئ بيحصل جوايا , افكاري واحساسي

الله :

انا : انانية بقي ولا مش انانية وكل الكلام الديباجه دي , لسه قدامك وانت لسه صغير وانت لسه هتشوف وكل الكلام اللي ولا يسوي عندي شئ

بقيت بقرف منه يارب , كل يوم بحاول اكلمك اسكت وانام

انت عارف كويس اني عمري ما اتمنيت مقابلتك اكتر من الايام اللي كنت ببقي مبسوط فيها قوي

الله :

انا : دلوقتي بقي مبقتش فاهم , كل شئ انا عملته بهده , كل شئ حواليا ببوظه عن عمد وعن قصد ,ليه؟؟؟ مش هقولك الشيطان مش هقولك غباء

هقولك , اني عاوز اعمل دا , مبقتش عاوز اي شئ , الموت بقي صديقي الصامت الجديد , قربت منه اكتر من مرة , لكن كل مرة نختلف ويمشي

كل يوم ببص عليه جنمبي قبل ما انام وبحس بانفاسه , لسه بيعد انفاسي

اسئله

انت زعلان مني ؟؟

اسمع صدي روحي وهو بيقولي لسه مش هزعل دلوقتي

علي فكرة يارب انا عاوز لما اموت ماقبلكش

هقابلك اقولك ايه؟

ولا اطلب السماح علي ايه؟؟؟؟

المقابلة شرف وانا عمري ما هستحق الشرف دا مهما عملت

برده مش عاوز اشوف الشهدا ولا الانبياء ولا امي ستنا خديجة

الله :

انا : انا مش خايف من الجحيم , ودا مش غباوة بس ع الاقل هناك هبقي انا عارف اني ف الجحيم , عارف اني بتعذب ليه وبسبب ايه , مش هضطر امثل كل يوم , مش هضطر اسمع اقسي واغبي كلام , حتي هناك ف الجحيم علي فكرة , مش عاوز اشوف حد , انا مش بطلب علي فكرة

دا شئ ما بيني وبينك , انا عارف انك سامعني دلوقتي

عارف كويس دا

الله :

انا : حتي دموعي يارب , حتي دي مبقتش عاوزاها , وهي اصلا مبقتش تنزل , الاول كنت بحس بتغيير طعمها , بعدين خدت بالي ان ليها طعم اصلا , ايام ما كنت مع رحمة , لما كنت بمسح دموعها واشربها علشان كنت مؤمن اني كدا بسحب حزنها , تقريبا طلع حقيقة , كوني بمثل دور الوغد واني كويس فيه برده نجح , انت عارف كل شئ يارب

انا عمري ما هشرح نفسي , وعمري ما هدافع عن نفسي

انا مش مستني اي شئ من اي حد

من زمان قوي كفرت بالناس , يمكن كفري اهتز فترة كويسه

لكني مفتقد الكفر دا بشدة

الله :

انا : المشكلة اني بحبك , وبقول مشكلة لاني مش بعرف اقولك , ولا بعمل شئ بالحب دا , زي كل حاجة في حياتي , مليون اختيار , ولا فعل

كل يوم جديد , هو مجرد اختبار جديد لازم اعدي منه , نفسي دايما اطلع في نص الوقت , اسلم الورقة فاضية اوفر عليك وع نفسي , بس لا ليه؟؟؟

بفضل اشخبط , واملي واملي واملي واملي واملي واحكي واقولك

لولا انك انت اللي خلقتني وانا مؤمن بشدة انك عمرك ما علمت خطأ كنت هقول اني مجرد غلطة مطبعية ف كتاب كويس

الله :

انا : الحياة مش سئية بل علي العكس , الدينا شئ عظيم بشدة , اغلب الناس بس بتتبص ليها بشكل غريب قوي , زناقنين نفسهم ف ركن الاوضة وبيتهموا العالم بالضيق , انا بقي ولا عاوز الاوضة ولا الركن ولا عاوز اي شئ , في النهاية كل شئ هينتهي , عمري ما هكون نبي ولا اي شئ

الزمن عمره ما هيقف ان مصطفي مبقاش موجود , هيبقي فيه حزن وزعل اه اكيد , لكن ف اخر اليوم , الناس هتشرب وهتاكل وهتنام , وناس تانيه هتتولد وناس تانيه هتموت , عارف يا الله , كل ما بفتكر ذكريات قلبي بقي بيتقبض ليه؟

الله :

انا : علشان بكتشف كل يوم وبفتكر اد ايه انا كنت غلط في حاجات كتيره جدا , ازاي عملت دا؟؟؟؟ ازاي ادخلت هنا؟؟؟؟ ازاي قولت دا؟؟؟ ازاي ف مرة فكرت في دا؟؟؟ ازاي قدرت اني ادوس علي قلب ؟؟ ازاي قدرت اكسر كل شئ جميل هنا ؟؟ نظرات الخسارة ؟؟ نظرات وكلمات وحاجات تانيه كتير يارب , كوكتيل غير مريح تقريبا كل يوم , بحاول اتعامل وفعلا بعمل دا , وفعلا بتعامل , لكني علي الاقل دلوقتي , مبقتش عاوز ولا عندي اي رغبة , اني اتعامل , مع نفسي ,صوتي كلامي احلامي حبي طموحي , بحاول اني اجمعه علشان اولع فيه , هو انا كدا يارب؟؟

الله :

انا : يمكن , يمكن اكون غلط , يمكن اكون مجرد مخنوق دلوقتي , يمكن , المرة الوحيدة اللي فكرة في الانتحار بشكل جدي , كان بسبب غلطة عمري ما هسامح نفسي ف حقك وفي حق نفسي , شعوري ف الفترة دي , اقرب شئ ليا دلوقتي مع اني معملتش اللي انا عملته ف اول مرة , ولا حتي شئ قريب منه , شعور ان السما قريبه من قلبك , وان رجلك بتحك في الارض

وان روحك انتزع منها الجزء الخاصة بربنا ,علشان كدا ريحيتها بقت معفنة , شعور اطلس اللي بيحمل العالم فوق اكتافة , سيزيف اللي وقع عليه عقاب نموذج لوصف حياتي , شيل الحجر الكبير دا ونزله , يشيله وينزله بعد معاناة , يطلع يلاقي الحجر مرة اخري , هناك حلول كتيره انه يمشي او يقعد علي الحجر ويشرب سيجارة , او يجيب ازميل يفتت الحجر , لكن لا فيه موافقة صامتة , انا موافق علي العقاب , دا شعوري اللي بقالي كتير بحسه يارب , ينفع اطلب طلب رخم يارب؟؟

الله :

انا : لما يجي الوقت , مش عاوز اشوف ملايكة الحساب , مش عاوز اشوف اي صنف ملخوق , عارف اني ممكن جدا اضعف واطلب اني ارجع في كلامي وانك يارب بتخبي لينا كل شئ كويس وحلو واحنا بغبائنا بنستعجل كل شئ , وانا يارب مش عاوز اشوف اي مخلوق مش علشان شئ , بس عاوز اوفر خطوات كتير قوي انا معترف بالفعل بالتقصير , في كل شئ وبكل الذنوب اللي فاكرها واللي مش فاكراها اللي عارفها واللي مش عارفها

الله :

انا : شئ اخير يارب

بجد والله العظيم ومن كل قلبي

أنا أسف