السبت، ١٢ نوفمبر ٢٠١١

الحفلة

كالعادة اصرت علي اني لازم اروح الحفلة
وكالعادة روحت
هي كانت ليه عامله كدا؟
كانت .. بكل المقاييس قطعة من كوكب لا يراه غيري
انا حسيت ان الدم كله اتجمع عندي في منطقة الراس
من فرط جمالها دمعت
سلمت عليا
وقفنا وسط الزحمة ما اتكلمانش كتير
 كانت بتبوصلي من وقت للتاني وتضحك وتقولي شئ ما

صوبعي الصغير بيشبك صوبعها الصغير

قالت شئ ما عن شعري والقصة
قالت شئ ما عن الحفلة واد ايه هي مستنايها

قولتلها اني بحبها

سكتت .. الناس الزحمة الضوضاء
..هي
 كل ما كنت ما ابص عليها مش بقدر اتخيل غير اني بحضنها تحت المياه
وبنزل بيها وانزل
وهي ماسكه كتافي وشعرها هو دفتي

كل شئ فيها بيدل ان ربنا موجود
من وشها المرسوم بشكل البشر
عمرهم ما يخطر علي بالهم
لتفاصيلها
مسكتها للمنديل
طريقتها ف السلام
طريقة نظرتها
لون عينها الصافي
بشرتها الناعمة اللي بتخليني احس اني عبارة عن ورقة صنفرة

قالت شئ ما عن شئ ما
ضحكت
بدات الجموع تتحرك
صوابعنا المشبوكة فصلت

سبقتني لجوه علشان هي عارفة المكان
بينما انا بحاول اتفادي الزحام باي شكل
دخلت ف القاعة نظرت حواليا لاقيتها بتشاور ليا
بصيت عليها
وسئلت نفسي

هو انا عملت ايه في حياتي عدل علشان ربنا يكفائنئ بيها؟
قعدت
انا عارف ان الحفلة دي
شئ مميز ليها
بتحب المغنية دي
كانت دايما بتحكي عنها
وتقولي كلامتها
والحانها
وتوصف ليا
حاسسها زي القطة اللي بتربيها
لما تكون متوترة
رجلها علي طرفها مع النور لما اتطفي
سبوت الاضاءة ولع علي المايك
المغنية جايه من عمق المسرح

الكل يصفق ,

تقف تصفق وتشوار لها
وسط كل الجماهير

تجلس مرة اخري بينما المغنية تقول شئ ما

الجمهور يجلس بينما انا انظر اليها في الظلام

انظر امامي اري المغنية الشابة

تنحني للجمهور علي استقباله الحافل لها

تبدا غناء اغنية ما

وساحرتي تردد ورائها الكلمات في استمتاع وهي تنظر لي من وقت للاخر

تجدني انظر لها في استمتاع

تسئلني سؤال ما

اجاوبها بابتسامة

تعلن المغنية الشابة عن اسم اغنية ما

ف ساحرتي تتحمس بشدة وتقول لي انها اغنيتها المفضلة اللي كلمتني عليها

ابتسم

مع بداية الاغنية , تتوقف المغنية

وتقول شئ بلغة الاشارة

انظر لساحرتي تقف وترد بصوت بينما المغنية تستمر

في الكلام بلغة الاشارة

الكل ينظر في اتجاهنا وانا انظر في اتجاهها

تنظر لي ساحرتي .. الكل لا يفهم ما يقال غيري وغير ساحرتي والمغنية

أخرج خاتم ما

اجلس علي ركبتي في المساحة الضيقة المتاحة لي

ساحرتي مرتبكة لا ترد علي المغنية ولا عليا

بينما خاتمي ممتد امامها

تقول شئ ما

يقول الجمهور شئ ما

هنا يظهر فائدة الصمم

تري كل شئ وتسمع ما تريده فقط

كل ما كنت احتاجاه لسماعه هو ما قالته ساحرتي اعتقد بصوت عالي


موافقة





هناك ٦ تعليقات:

غير معرف يقول...

حلووووووووووووووة اوي :((

غير معرف يقول...

مش عارف يا صاحبى اقولك ايه ؟
كعادتك بتعرف تقول ده
بس احنا لوحدنا مش هنعرف نشوف ده
اعذرنى على جهلى بدواخلك
اسف لو بقالى فترة عينيا مغمضة عنك

بورة :(

عالمى ازرق يقول...

عندك قدرة غير عادية على تجسيد المواقف والاحاسيس اللى جواها

استمتعت بجد

Die يقول...

غير معرف
ثكرا ثكرا واسف علي :(

بورة
:)

عالمي الازرق
لا تعليق
:)
بجد اشكرك علي اهتمامك
وعلي متابعتك

rania gheath يقول...

احساسك حلو اوي وخيالك ممتع جدااااااااا
عاوزة اقول اكتر من ممتع
مش عارفة اقولك ايه احيانا بتمنى اني الاقي حد زي البطل بتاع قصتك دي :)
يارب دايما متميز

Unknown يقول...

جميل .. استمر :)