مين بيعمل ايه؟

بسم الله الرحمن الرحيم

الاسكندريه في 17/12/2008
الساعه 1.19 ظهرا
..............................................
مين بيعمل ايه؟
.-.-.--.-.-.--.-.-.-.-.
في شئ غريب جدا بدأت اخد بالي منه مش علشان انا جامد ولا اي هجص... الموضوع بجد اتكرر اكتر من تكرار فوز الاهلي علي الزمالك , الموضوع بتاع مش انا .... بمعني

1-
في مجزرة بني مزار

" قبضنا علي المتهم و هو اعترف "

يومين و هووب

" مطلعش المتهم اللي قبضنا عليه و اللي اعترف هو اللي عمل كده"

سبيك من اللي اتقال من اجل تحطيم سمعة الشرطه عن التعذيب و التلفيق , الواد يطلع براءه لغاية دلوقتي منعرفش مين عمل ايه
ماشي

2-

" غرق عبارة مصريه و وفاة 1500 شخص "

" سفينه مصريه كانت في الجوار لم تنقذ احد "

" صاحب العبارة عضو مجلس الشوري , صديق ل د/ زكريا عزمي "

"د/زكريا عزمي : ممدو اسماعيل صديقي و لكني لن احميه ان كان مخطئ "

" اختفاء ممدوح اسماعيل و ابنه "

" ممدوح اسماعيل من لندن : ذهبت الي لندن للعلاج و ليس هروبا من اي شئ و ان صدر اي حكم علي سوف اعود حالا , سبب سفري انا و عائلتي , حالتي الصحيه , لاني يجب ان اخضع للعملية جراحيه في اصابع القدم "

لست متذكر اذا كان هذا التصريح حرفيا ام لا

" هيئة النقل و السلامة برئاسة الطحان الملحقه بمجلس الشعب تصدر تقرير يدين الحالة التي كانت عليها العبارة , و انها لاتصلح , و ان صاحب العبارة لم يتحرك او فعل شئ الا بعد سبع ساعات , و ان الناس ظلت في المياه المجمده لمده تزيد عن ال 12 ساعه "

" محاكمة شعبيه في نقابة الصحفين تصدر حكم الادانه علي صاحب العباره "

" الجزيره تذيع صور و فيديو لناس انقذتهم سفن اخري كانت في الجوار , و لكن ليس لهم اي وجود و الاهالي , يستنجدون بالرئيس , و البحث عن اي معلومات , عن ذويهم الذي شاهدوهم بأم عينيهم "

في النهاية

" براءة ممدوح اسماعيل , و ادانة القبطان المتوفي "

ماشي لا اعتراض علي احكام القضاء , و ليس هناك واسطه , ولا تدخل ,

طب مين يبقي عمل ايه؟

3-

"مناقشة قانون ضد الاحتكار "

بعدها بيوم

" الموافقة و اصدار قانون ضد الاحتكار و عقوبات مغلظه , و رجوع شاهد الملك "

بعدها بساعات لان ده كان بالليل حضرتك
صباحا

" تغير في قانون الاحتكار يحمي المحتكرين , و المهندس ( أحمد عز) ينفي التدخل لحماية مصالحه

" ارتفاع سعر الحديد "

يبقي مين بيعمل ايه ؟

و مين السبب و الله لا الومه ولا الوم اي حد بس نفسي افهم
4
-
لو مش الوزير السابق هو من استورد المبيدات المسرطنه و لا كان الوزير الحالي هو من اتي لنا بعلف الحيوانات و لم يكن اصحاب المخابز خلطوه مع ما بقي من دقيق , و لم نكن نحن من يأكل كل هذا

يبقي مين بيعمل ايه؟

5-
اذا كان الواد اللي قبضوا عليه وا عترف و مثل الجريمه بتاعت البنتين ( رحمة الله عليهم و غفر لهم ) اللي فيهم واحده بنت المطربه ليلي غفران
مش هو اللي قاتل , و ان كل الصحف من اولها لاخرها منهشتش في عرضهم , و طلعوهم انهم كانوا مدورينها و قالوا و خلو في سمعتهم و البنت تطلع متجوزه و البنت التانيه طاهره
و كل الصحف اللي نهشت , تقول احنا عمرنا ما قولنا اي شئ , و تنشر في وسط الخبر صور للمانشيتات بتاعتهم القديمه علشان يبرهنو علي كلامهم

يبقي مين عمل ايه؟

5-
لما واحد زي " شعبان عبد الرحيم " يغني لحملة المخدرات و تلاقيه دخل المستشفي علشان جرعه زايده
ويتعمل محضر و يتحول للنيابه , و تكتشف ان الجاكت اللي لقوا فيه حشيش و مطواه مش بتاعه , و ان المستشفي اللي " هما " وادوه فيها هي اللي لفقت ليه الموضوع كله !!!!

فانت متبقاش عارف مين عمل ايه؟

6-
حريق بني سويف كانوا السبب الممثلين
وليس عدم توافر ابسط قواعد الامان او توافر في الاساس مسرح يليق بعرض للحضانه

• حريق المسرح القومي
مجهول

• حريق مجلس الشوري
مجهول

حريق كل قطارات الصعيد بحري قبلي
مجهول

" او للامانه الناس "

• حريق كل الشركات اللي ورا بعضها
مجهول
" فكرونا بالتسعينات كل اول شهر علشان الجرد و اللي في الغالب لو في عقوبة الاعدام لعقب السجاره او الماس الكهربي , لكان قطع راسه

كل الحاجات اللي مش باين فيها اي حاجه غير ان احنا لامؤاخذه جامدين قوي

لسه هكمل بس مش دلوقتي لما افتكر
علي موضوع الافيهات دا لو عاجبكم اصلا
شكرا

وقفة العيد ما بين الفراغ و الصداع

بسم الله الرحمن الرحيم
الاسكندريه في 6-12-2008
الساعه 12.35 ليلا
ما قبل الوقفه
...............................
وقفة العيد ما بين الفراغ و الصداع
............................................................
بكره الوقفه بتاعت العيد المخصص ل لحمه, طب....
و بما اننا شعب غني بطبعه فكل الناس اللي في النور و الامل و اللي نايمين جنمب الترام , و ام ابراهيم اللي اول الشارع هتجيب ما لا يقل عن 2 كليولحمه شمبري
من عند ابو شقره
اذن ف المجد للخقان الاعظم.
..............................................
س1 : اذكر مع ذكر امثله اكتر حاجه بتخنقك في العيد؟

#$#@ ج 1 :

القناه التانيه في كذا حاجه

1- ام الضحكه التي لا يبتسمها غير انسان مصاب في شلل في عضلات و جه الخلفيه مصحوبه بالجمله الاخلد

"و تتمني لكم القناه التانيه عيدا سعيد اعداه الله عليكم باليمن و البركات " طبعا اكيد لان القناه الاولي تتمني لنا اننا نولع بجاز مش من المدعم او ان يخبطنا اتوبيس سياحي

2-تخلص علينا المذيعه السابقه بكمية من الياس من الحاجات اللي هيجبوها في العيد اللي هو عبارة عن طبعا فيلم
الشيماء و كام فيلم كافر و حصريا مسرحيه جديده و بمناسبة اذاعتها للمره الالف مسرحية " جوز و لوز "
تبكي من فرط التاثر يدخل علينا نشرة الاخبار طبعا في اولها خطاب السيد الرئيس
و في نصها خطاب السيد الرئيس لزمايله الرؤساء و اصحاب الفخامات اما اخر النشره ف بيكون عبارة عن الرسائل اللي الريس بيستلمهم
ش

3-اغاني العيد

المشكله في اغاني العيد انها كئيبه يعني

" العيد فرحه يا سلام؟"

الراجل مستغرب و من حقه

" و اجمل فرحه , يا سلام ؟ "

هنا بدا الراجل يقرا الجرنال

" قولوا معانا جانا العيد اهو جانا "

اهداء الي الحزب الوطني , فقط وحصريا

ثانيا : الجرانين

و تلاقي قبل العيد بيوم كامل صورفي الجرانين سبحان الله هي هي الناس بتوع كل سنه بيصلو في نفس الجامع بنفس اللبس , بينزلوا نفس العيال في نفس الجنانين , من اول ما كنت في اعدادي و انا بشوف نفس الوشوش لدرجة اننا بقينا صحاب و حاسس اكنهم اهلي , و كل الناس في الشارع و في الجنانين المشكله البسيطه ان الموضوع ده كله الجرايد بتكتبه قبل العيد بيوم كامل ,
طبعا غير " ضبط كمية فاسده من اللحمه , و طن مخدرات ,
غير زحمة العيد علي السينمات " من غير تحرش " علشان سمعة مصر ,
و حقوق النسوان , الكل بيزل من بيته بغرض الفن و الادب ,
فكرك يعني بياجر موتسيكل و يشغل عبد الباسط حموده الذي يشدو
بالاغنية الخالده " بياكلوك مربي " او ناجي بعرور و اغنية " البنات " علشان يعاكس او يتحرش
, ابدا , اوعي حد يفكر ان الناس اللي بتمشي ورا البنات علي البحر او جوه البحر لو حكمت او في السيما غرضه زباله , ابدا شبابنا بخير و مش تعبان و النخوه جوانا , يعني لو واحد منا شاف واحده ملموم حواليها 15 واحد هيدخل و هيقول وهيتكلم و هيشرحلهم ان اللي بيعملوه دا غلط , و هما طبعا هيقدروا كلامه , لاننا رجاله وقفنا وقفة رجاله

س2 : متي اخر مره "خدت" عديه ؟

ج 2 : بصراحه الواحد خد حاجات كتير الا عمرنا ما سمعنا عن موضوع العيديه دي و لكن ان لم تخوني الذاكره الانفعاليه ابويا كان دايما يسئلني سؤال محوري

" ها هتعمل ايه بالعيديه ؟ "

المشكله تتلخص اني مخدتش عديه اصلا , فيجي ردي

" مش عارف او ولا حاجه "

فيكون الرد الطبيعي من ابي مصحوبا بابتسامة النصر

" جدع يا حبيبي طب هات اشيهالك معايا لغاية بعد العيد"

ف ياخد من فلوسي الاصليه و ابقي لا مؤاخذه فرحان بالعيد و بالست صفاء ابو السعود و هي تغني بمنتهي الانكشاح
" اهو اتنيل جانا العيد , هيصوا يا كلاب , (صوت هياص ) زقططوا يا كلاب , ( صوت زقططه )
و في النهاية احب اقول
قولوا حاحا.
و كل سنه و انتو طيبين و اعاده الله عليكم ب يمني و بركات
شكرا

أرن لروحي فجاءة

الرنات ما بين الحقيقه و الخرافات
" أرن لروحي فجاءة لاقيتني"
.................................................
الاسكندرية بالصلاه علي النبي
في 28/11/2008
واحده مساءا
..................................

بما اني انسان محترم و عديم الموبيل , مما يؤهلني للفوز بمدالية انشاء الله ميدالية مفاتيح ,يعني انا اجدع من بتوع الاولمبيات, بجد عمري ما فهمت فكرة الرنات
, بجد و الله , دا عاوز عالم , كتب ,دراسة , فحص و محص, مراجع,
دا احنا لو كنا ايام الحرب العالميه التانيه كانت هتبقي لغة اشارة وقتي ليه بقي ,
اكيد كنت واقف مع واحد صحبك و لقيته بيقولك في بساطه بعد رنه الموبيل


" يالا بينا "

ترد في عمق

" ليه يا طينه؟"

يرد في فلسفه

" الواد رنلي علشان نجيب البيبسي و نروحله علي القهوة و اه فكرني ابقي اجيب سجاير "

طبعا واضح انه عرف كل ده من الرنه

بلاش ده لسه من كام يوم بتصل باللي انا مرتبط بيها بالليل و انا مروح اول مره كنسلت , التانيه مفاجاءة تركته لم يرد في التالته كنسلت
علي فترات زمنيه متباعده ,
قولت خلاص مش هينفع ترد في لطف بشري فان , تاني يوم لما اقبلها تقولي

" انت ما اتصلتش ليه؟ "

ارد انا و انا اكاد اكون هتلر لدي رؤيته لعلم اسرائيل , تخيل الريأكشن ,


" طب ازاي دا انا اتصلت تلات مرات "


اسمعوا بقي الرد

" لا ما اول مرة اتصلت انا كنسلت علشان عقبال ما اطلع علي البلكونه علشان اكلمك
,لما اتاخرت دخلت ,
فلما اتصلت تالت مره كنت دخلت "

ملحوظه " الفاصل الزمني عباره 15 ثانيه"

طبعا انا الغلطان اللي مشوفتش كل ده في البلوره السحريه

تكتشف ان رنتين ورا بعض معانهم اننا عاوزين العشا , رنه ونص (فزئيا استحاله) عاوزين الزبادي بس,
و الرنه تختلف مع اختلاف الشخصيات و الاصدقاء
و هناك كمان انواع من الرنات , هناك الرنه المركبه بمعني , هناك رنه تعني عدة اشياء

1- انا نزلت
2-ورايح الكليه
3-و هركب الميكروباص
4-و احتمال اروح افطر
5-فول او فلافل

أو

1-حبيبي انا لسه صاحيه
2-هقوم استحمي
3-و البس هدومي
4-واجيب حاجات من السوق
5-و اروق البيت
6-و هركب الترام و جايه في السكه
7-(هام جدا) و هركب في عربية البنات

كل ده في رنه واحده , تيجي تسأل واحد :

" ايه يا عم بقالك 15 سنه مش بتسال ليه؟ "

يرد في اقتناع الكفره بتمثال العجوه اياه

" ما انا برنلك !!!!!!!"

طبعا لو فتحت اي قاموس بيحترم نفسه او حتي بيسب مش هتلاقي كلمات بليغه زي الرد دا
يعني وصل بينا الكسل لدرجة اننا نكمل رفع ايدينا او الفقر اننا نتكلم , طب يبقي اشتريناه ليه ويقولك

" أهم حاجه الكاميرا شغاله؟ "

كاميرا ؟ كاميرا ايه ياعم

و "الفيتيو" , و يكون في الاساس بيشغل اغاني عبد الباسط حموده ,

طبعا لان الجهاز مخصص خصيصا لعبد الباسط مش اي حد تاني

" لا مؤاخذه هذا التلفيون , لاده تلفيون ولا ده جرابي و لا دا انا , لا دا شكلي ولا دي رنتي , انا مش هرن , قولي ايه يا موبيلي قولي , يكونش دا نهايتي و اخر ارصدتي؟ "

بجد وبكل فخر الحمد لله علي نعمة الا موبيل


و الي لقاء علي رنات بقي.

في الساعه ال 1 برضه بس ثواني و تبقي اتنين

صفر المونديال و علاقته الطرديه بالمنتدي

بسم الله الرحمن الرحيم
....................................
صفر التعليقات
(علي وزن صفر المونديال)
.....................................................
الاسكندريه بسرعه قبل 19/11/2008
فاضل دقيقتن

كل ما افتكر صفر المونديال لا شعوريا كتجربة لا مؤاخذه الكلب و الجرس

افتكر مدونتي , ليه؟ الواحد مننا ينتع دم قلبه و مجهوده علشان الناس تقرأ و تستمتع ( دا علي

اساس اني جامد ) و علشان حد يرد ابدا , يردو عليا في رسائيل اوف لين علي الايميل , انا

بشكرهم و الله و مش بتبطر علي النعمه . لكني بس انفسي الاقي جمب كلمة تعليقات رقم غير

الصفر , اللي شبه الكحكه السفله اللي انسان لا انساني اخترعها كاداة عقاب في عملاء

الجستابو في المدرسة الابتدائئ هي كانت في رائئ انها عبارة عن كود معين , لا يري الا

من قبل الاباء و الامهات , دليلي علي هذا ليه بالنبابه تلاقي الاب يقوم سفحك القلم ولا عماد

حمدي او كمال الشناوي في اي فيلم من بتوع" انا بحب مصر اكتر منكم لكني بخدمها بطريقتي "
عارف انت الشعور بتاع لا مؤاخذه مجرد كيس جوافه مخروم و كل الجوافه وقعت منه , يعني ملكش / ملكيش لازمه

المشكله ان صفر المونديال العن من صفر فودافون او موبينل ولا حتي الشبكه التالته , لان

مش طبيعي بلد زي بلادنا " تاخد " صفر يعني دا احنا اللي شمهرنا الشمهورش و دهنا

الطحينه , اينعم انا مش عارف هما كانوا هيلعبوا فين ؟ بس اكيد في مكان , ولا اللعبيه بتوع

انجلترا او ايطاليا هينزلوا في فندق ايه؟ كل ده ميهمنيش و انا اللي يهمني اني ممبقاش زي

المونديال و فعلا انا بدات اري بشائر تدل انها ستعود قريبا

النهاية
في الساعه 21/11/2008
يوم 2.10 مساءا

الاول مبتذل قوي صح ؟!!!

بسم الله الرحمن الرحيم
الاسكندريه في فجر 18/11/2008
اول تدوينه لي منذ العصر الاشوري
....................
برضه هكلم الناس الافترضين بتوع كل مره , واقول مش مهم حد يقرا او لا و الهجص الفرسي , انا ههحاول ابعت لناس كتيره علشان يقروا علشان ميردوش علشان اتقفل انا في الاخر , و الله فكره
............
الدنيا دي غريبه (فحت) بعني انها غريبه جدااا دايما متفهمش هي جي بدهرها ولا بوشها , بتضحك ولا تبكي ؟ حابنا ولا كرهانا ؟
و كل ما تقول فكك , تلاقيها لامؤاخذه في قفاك , تقول انا هعيش مع حالي تلاقي حالك بيصدر صوت مثل صوت معدتك لما تبقي جعان و تشوف محمد احمد ( بتاع الفول مش صحبك ) , او تشم شئ كده قريته في مجله علميه اسمه ( الكفته ) , تقول لا انا هبقي مفيد و هدخل و هقول رايي و مش مهم اللي يحصل يحصل , تفجاء ان اللي بيحصل حصل , بمعني ان في ناس من اول عم عبده بتاع الطحينه انتهاءا الي د/عكاشه بتاع الاقتصاد , بيقولك بكل فخر و اعتزاز يا ( حمار ) ,او ناس معينه بلبس معين يجعلك تكتشف انواع من المتع كانت بالنسبه لك مجهوله
فتقف تضرب حيص في بيص
و الناتج تحاول ان تقراءه لكن للاسف الشديد انك لا تجيد المسماريه
هل ابقي سلبي ولا ايجابي ؟
اتفرج علي مؤتمر الحزب؟
و علي ستار اكاديمي؟
و لا علي قناة الناس ؟
ولا علي القمر الاوربي القناة الرابعه الالماني اللي بتقلب بالليل؟
ولا انام بدري في الاساس؟
انا عارف ان في واحد بيقراء دلوقتي هيقولي يا دم اهلك
ناقصينك احنا بكتالوج القناه الخامسه دي
هرد عليه و اقوله لو مش عاجبك
غير المدونه دي ضغطة زر
لو افترضنا ان حد قراء يا تري يهل تري انت بتعمل ايه؟
بتبقي نفسك ولا بتبقي بتاع الناس؟
انا عن ذات نفسيتي
انا بتاع نفسي يا عم و الحمد لله
اوحد من صرصار ليل في صحراء
بس لا مؤاخذه ثابت علي مبدا
انت بقي ايه؟
شكرا.....

الدرس الاول في الحياة

بسم الله الرحمن الرحيم







لم أكتب منذ فترة طويليه جدا نظرا (لوفاتي) في يوم 28/8/2007 حدثت الوفاة , قبلها بكام يوم كنت أنازع من أجل الخلاص الي ان جاء الخلاص ,حمدا لله , الان ان مستريح فالان لا يعرفيني احد , كم جميل هو شعور الموت ,راحة وهدوء أبدية ,لا تفكير في مصلحة او اي شئ يعكرعليك صفو مماتك , كم ان فرح ان جاز التعبير !!! حتي وان لم يجوز طظظظظظظظظظظ , فانا بحق الله متوفي لماذا سوف أكترث ,نصيحة لمن هم في الحياة صدقوني الحياة اقصر بكثير مما تظنون اوحتي لا تظنون , و استغل تلك المناسبة لكي اوجه شكري الخاص والعميق للاكثر الناس ساعدوا علي تعجيل أمري أشكرهم من كل قلبي الا وهو السيد (محمد حسن ) و السيدة الخالدة (آيه )



"" صوت تصفيق ""



والان دعونا ندع كل هذا خلفنا وندعو الله في قلوبنا أن يكون يحبنا , فهذا الشئ الوحيد الحقيقي في تلك الحياة الا وهو الدروس الحقيقه في تلك الحياة




الدرس الاول



Show No Love , Love will Get You Killed

لا تظهر أي حب لان الحب سوف يتسبب في مقتلك



بصفة عامه لا تبين اي عواطف اي لا تكون واضح وفي نفس الوقت لا تكون خبيث , بمعني لا تظهر لمن امامك انك تحتاجه الا في حالة وحيده الا وهي تكون قبلها أخرجت كل ما بداخلك الي الله , سؤاء في مسجد او كنيسة , او حتي في المنزل , هناك من الناس من يلمعون مثل الذهب تنجذب لهم و لكن مع الوقت تكتشف ان هذا الذي (كذبك) كان ليس ذهب ,فكما تعرف الذباب لون عينيه في بعض الاوقات أخضر , ثق في نفسك و قبلها ثق في ربك , لا تخن او تجعل احد يخونك , هذا يحدث لانك تنغمس أكثرمن اللازم في شئ كان واضح منذ اول يوم انه ليس ذهب , فكما تعرف ان الحلم كان منذ الابدية تحويل التراب الي ذهب , ربما يحدث هذا فعلا , ولكن هل تعرف تعريف السحر حقا؟

" السحر هو جعل فيل كامل يختفي من امام عينيك , وجعلك انه فعلا أختفي , مع انه مازال هنا , كيف؟ جعلك تركز في شئ من زواية واحده بينما العمل كله من الزواية الاخري "

أحضن نفسك عندما تبكي و لاتجد من تسند راسك عليه
قول آه ه ه ه ه ه ه ه بأعلي صوتك و لاتكترث لمن حولك فهم لم يكونوا معك في دموعك فقط في فرحتك , فليذهبوا هم و فرحتهم الي الجحيم بسيارة أجرة ليست مدفوعة الاجرة

انت ما انت عليه , ليس ما يقوله الناس لك ,

ماذا لوكان الناس هم الذي علي صواب ؟

طظظظظظظظظظظظظظظظظظظ انت من سوف تحاسب وحدك امام الله , انت من سوف تبكي وحدك في الظلام , انت من تختار , كل شئ رهن يدك وقلبك حتي وان كان بعيد , مت وانت تحاول أهون من ان تموت وانت لا تعرف هل فشلت ام نجحت ,لا تظهر الي اي احد انك تحتاجه الا كنت تشعر ان سوف يفعل المثل لك , اي انه يحتاجك ايضا , غير هذا سوف تقابل من يجعولنك تعتقد ان ليس مكانك هنا ,صدقني اوصدقيني ان كان هناك احد يقراء , لا احد يقرر غيرك انت و انت كنت لا تري هذا و لا تري ان هذا كله حقيقي فعلي الاقل لا تدع نفسك دمية مثل دمي سحرة الفودو يتحكم فيك شئ ليس له اي غرض غير فقط


الاشئ


فكروا ولو لحظات في أنفسكم

هل هذا حقا انتم ما تقولنه للناس؟

هل هذا حقا انتم؟

اليوم السابع

بسم الله الرحمن الرحيم

اليوم السابع 10/8/2008
الزمن 12.33 ليلا في احدي السيبرات
..............................................
هل انا ملعون؟ ام أنه جزائي؟ هل انا فعلا هكذا؟ هل ستكون النهاية لي؟ ام ستكون البدايه؟ انا أخاف ان اكون مثل ابي بصراحه ليس خجلا لا ابداااا ابي هو من اعظم من قابلتهم , ولكني فقط اريد ان اكون حلمي هل هذا طلب كبير؟؟؟؟؟ ان اكون جزء من حلمي علي الاقل , انا متاكد ان احد لا يقراء لي الان , وانا حقا لا اهتم , ولكن شعور داخلي انهم سيرونه في يوم , متي هذا اليوم؟ لااعلم ولا اريد ان اعلم , ان لم اكن انا نفسي ولا حلمي , فانا لا اريد , الكل يقول لي , التفكير الكتير و الاهتمام الزائد هو اهم و اكبر عيبوبي , لكنهم لا يقولون انه خطاء علي الاطلاق هم فقط يرونه لا ينفع , امس قال لي صديق , لماذا تتوقع ان يقف بجوارك احد؟ بتسال ليه حد بيجرحك مع انك كنت جنبه الاجابة سهله علشان هو يقدر , لا اكتر ولا اقل , لكن حماقتي لا نهائيه انا اعلم جيدا و تماما اننا في عالم بشع , و انا لست ملاك و لا اسعي لكي اكون , و لكني في نفس الوقت مش قادر مهتمش , واخاف علي صحابي , او حد لجاء ليا في يوم , غباء او لا مش عارف افهم و افهم نفسي اني لازم اتغير و ابقي زي اغلب الناس , ولكني مؤمن ان عالمي ليس بهذا السوء , او ربما , ولكنه علي الاقل عالمي , سيأتي يوم و اقراء كلامي هذا مرة اخري لكن يا تري هل سأضحك , ام انني سأكتب هذا الكلام مرة أخري؟

لا أعلم................

شكرا.

اليوم السادس

بسم الله الرحمن الرحيم
اليوم السادس انا طاهر ,طاهر و نقي !!
9/8/2007 الساعه 12.18 ليلا في احدي السيبرات

لم ادون لليوم الخامس لاني كنت احاول ان أموت وفشلت
............................
بشري لكل كم يعرفني جدا , لقد أكتسبت صفة جديده الا وهي أنني نقي , مما يجعلني :

1-أحسن واحد قابلته في حياتي

2-انا عارفه انك اكتر واحد بيخاف عليا

3-انا للاولاك عمري ماكنت اتغير

4-انت الف واحده تتمناك

5- انت نقي

لا اقدر حقا علي وصف مدي فرحتي , يالي من انسان مميز , حقا , لسه دي لم اسمعها , في
الانتظار , كم هي جمليه تلك الحياه لماذا يوجد حمقي من امثالي يملئون الدنيا صراخ وعويل ؟ كم كنت غبي ولم اتنبه لنفسي من قبل فاليسمحاني الله بقي , اما بالنسبة لكل من يرون
العكس سامحوني او لا
فانا فقط لا اريد الحياه انا فقط اريد ان اخلد في الجنه لكي ابكي براحتي من الفرحه , لكي اعيش للابد مع من احب , دون شقه تريد ايجار وانبوبه , اريد ان اعيش علي قرب كل من لم اراهم من الانبياء , ابكي علي حجرهم, و الله ما اكتئاب ,بس فعلا انا لا اريدها
شكرا

اليوم الرابع

بسم الله الرحمن الرحيم

اليوم الرابع
7/8/2008
الزمن 12.38 ليلا في احدي السيبرات
.................................
" في معسل؟ " بهذه الجملة أختتمت السيدة العجوز سؤالي فكان الرد الطبيعي لا لاني أعمل بمكتبه تعمل علي بيع الروايات و القصص , لم أستغرب سؤالها , حالت التوهان و الهائمين علي وجههم أكثر مما نتخيل , لكن السؤال هل نحن أشباح من الماضي ذاهبين الي حاضر لا يعلمه الا الله ؟ ام نحن بشر ليس لهم ناقة ولا جمل , فقط نعيش و ناكل ونتزوج و نموت؟ من نحن؟؟
شكرا

اليوم الثالث

بسم الله الرحمن الرحيم

اليوم الثالث 6/8/2008
الزمن : 1.04 ليلا في أحد السيبرات
............................................
انا الحلم المفقود , انا الحلم الذي لم يولد قط , لانه مات منذ زمن طويل , أنا السكوت ,انا الظلام الذي ليس له نهاية , انا النهاية ,انا الالامي , انا سكوتي عن الاضطهاد , انا من قتل الحلم , انا من مزج الواقع بأوراق حكوميه , انا الالم في نهاية راسك , انا الوجع الذي يصيبك في قلبك بعد شعورك بالعجز انك لاشئ , انا شعورك بالعجز عن نطق كلمة أحبك لها , انا شعورك المكروه لفقدانك ذكرياتك , أنه انا , الا يتذكرني أحد , انا اللاشئ انا الذي حاول ان يكون شئ , انا الذي يري العالم من أطار سيارة قديمه , انا من ينتظرك لكي تقول او تقولي الكلمات المنتظره , انا الذي ينتظر الوقت المناسب للموت , انه انا , قلبي و عقلي و وجداني و افكاري المسمه بالتلفاز و اعلان السمنه ,و مسابقات التمثيل , انا الحلم الغبي الذي ليس له وطن , انا الحب و الوفاء في عالم يكره الاثنان معا و يكره الجمال , انه انا , انا الاغنيه الهابطه لقصة حب فاشله منذ البداية , انا القرار الخاطئ بك من البداية للنهاية , انا ترددك الابدي , انا هاجسك السخيف , انا الحلم الذي ينظر له الكل و يسبونه و يحقرونه , انه انا ايها الساده و السيدات ,بكل تواضع أقدم نفسي لكم



أنا