الأحد، 7 ديسمبر، 2008

وقفة العيد ما بين الفراغ و الصداع


بسم الله الرحمن الرحيم
الاسكندريه في 6-12-2008
الساعه 12.35 ليلا
ما قبل الوقفه
...............................
وقفة العيد ما بين الفراغ و الصداع
............................................................
بكره الوقفه بتاعت العيد المخصص ل لحمه, طب....
و بما اننا شعب غني بطبعه فكل الناس اللي في النور و الامل و اللي نايمين جنمب الترام , و ام ابراهيم اللي اول الشارع هتجيب ما لا يقل عن 2 كليولحمه شمبري
من عند ابو شقره

اذن ف المجد للخقان الاعظم.
..............................................
س1 : اذكر مع ذكر امثله اكتر حاجه بتخنقك في العيد؟

#$#@ ج 1 :


القناه التانيه في كذا حاجه

1- ام الضحكه التي لا يبتسمها غير انسان مصاب في شلل في عضلات و جه الخلفيه مصحوبه بالجمله الاخلد

"و تتمني لكم القناه التانيه عيدا سعيد اعداه الله عليكم باليمن و البركات " طبعا اكيد لان القناه الاولي تتمني لنا اننا نولع بجاز مش من المدعم او ان يخبطنا اتوبيس سياحي


2-تخلص علينا المذيعه السابقه بكمية من الياس من الحاجات اللي هيجبوها في العيد اللي هو عبارة عن طبعا فيلم
الشيماء و كام فيلم كافر و حصريا مسرحيه جديده و بمناسبة اذاعتها للمره الالف مسرحية " جوز و لوز "
تبكي من فرط التاثر يدخل علينا نشرة الاخبار طبعا في اولها خطاب السيد الرئيس

و في نصها خطاب السيد الرئيس لزمايله الرؤساء و اصحاب الفخامات اما اخر النشره ف بيكون عبارة عن الرسائل اللي الريس بيستلمهم
ش

3-اغاني العيد

المشكله في اغاني العيد انها كئيبه يعني

" العيد فرحه يا سلام؟"

الراجل مستغرب و من حقه


" و اجمل فرحه , يا سلام ؟ "

هنا بدا الراجل يقرا الجرنال


" قولوا معانا جانا العيد اهو جانا "

اهداء الي الحزب الوطني , فقط وحصريا


ثانيا : الجرانين

و تلاقي قبل العيد بيوم كامل صورفي الجرانين سبحان الله هي هي الناس بتوع كل سنه بيصلو في نفس الجامع بنفس اللبس , بينزلوا نفس العيال في نفس الجنانين , من اول ما كنت في اعدادي و انا بشوف نفس الوشوش لدرجة اننا بقينا صحاب و حاسس اكنهم اهلي , و كل الناس في الشارع و في الجنانين المشكله البسيطه ان الموضوع ده كله الجرايد بتكتبه قبل العيد بيوم كامل ,
طبعا غير " ضبط كمية فاسده من اللحمه , و طن مخدرات ,

غير زحمة العيد علي السينمات " من غير تحرش " علشان سمعة مصر ,
و حقوق النسوان , الكل بيزل من بيته بغرض الفن و الادب ,
فكرك يعني بياجر موتسيكل و يشغل عبد الباسط حموده الذي يشدو
بالاغنية الخالده " بياكلوك مربي " او ناجي بعرور و اغنية " البنات " علشان يعاكس او يتحرش

, ابدا , اوعي حد يفكر ان الناس اللي بتمشي ورا البنات علي البحر او جوه البحر لو حكمت او في السيما غرضه زباله , ابدا شبابنا بخير و مش تعبان و النخوه جوانا , يعني لو واحد منا شاف واحده ملموم حواليها 15 واحد هيدخل و هيقول وهيتكلم و هيشرحلهم ان اللي بيعملوه دا غلط , و هما طبعا هيقدروا كلامه , لاننا رجاله وقفنا وقفة رجاله


س2 : متي اخر مره "خدت" عديه ؟

ج 2 : بصراحه الواحد خد حاجات كتير الا عمرنا ما سمعنا عن موضوع العيديه دي و لكن ان لم تخوني الذاكره الانفعاليه ابويا كان دايما يسئلني سؤال محوري

" ها هتعمل ايه بالعيديه ؟ "

المشكله تتلخص اني مخدتش عديه اصلا , فيجي ردي

" مش عارف او ولا حاجه "

فيكون الرد الطبيعي من ابي مصحوبا بابتسامة النصر

" جدع يا حبيبي طب هات اشيهالك معايا لغاية بعد العيد"

ف ياخد من فلوسي الاصليه و ابقي لا مؤاخذه فرحان بالعيد و بالست صفاء ابو السعود و هي تغني بمنتهي الانكشاح
" اهو اتنيل جانا العيد , هيصوا يا كلاب , (صوت هياص ) زقططوا يا كلاب , ( صوت زقططه )
و في النهاية احب اقول
قولوا حاحا.
و كل سنه و انتو طيبين و اعاده الله عليكم ب يمني و بركات
شكرا

هناك 15 تعليقًا:

غير معرف يقول...

جامدة موت يا درش بس حتة الموتوسيكل مش عجباني
بس انت هائل والله

Viper يقول...

Not Human.....

غير معرف يقول...

, و انا كمان عاجبانى اوى
مصطفى انت ساخر مرير يا بنى

Die يقول...

متشكر ليكم كلمكم , هو انا مش عارف يا فيبر ان تقصد ايه , غير بشري ولا غير مضحك بس الاسبلنج طلع اوت , مش عارف بس الحمد لله ان طلعت عاجكبكم
شكرا

ياسر احمد يقول...

ممتاز يامصطفى انت لخصت العيد فى الموضوع بتاعك وكويس ان انت مانستش موضوع العيدية ده لانه مقصر فيا اوى
الله ينور يامصطفى وكل سنة وانت طيب

hend khattab يقول...

خلاص يا مصطفى تبقوا مش عايزة عيد خلاااااااص مش عايزة عيد خالص ولا اقولك تبقى ... لو قولنا ياللا عيد تاني

shaimaa samir يقول...

اسم مدونة حضرتك
مختلللللللللللف جداااااا
الجملة دى اصلا بتضحكنى جدا
ومغزاها رااائع


بخصوص البوست
ههههههه
وجهات نظر

Die يقول...

متشكر جدا يا شيماء شرفتني بزيارتك و بردك

enjy يقول...

يمنى مين يا معلم؟؟؟؟
تحفة جدا دمك خفيف جدا اوى خالص يعنى ماشاء الله عليك الله ينور

enjy يقول...

على فكرة انا قريت معظم تدويناتك وعجبتنى جدا جدا.......الله ينور

Die يقول...

شكرا يا دكتوره انجي و بس مش كنتي تخليكي تخصص كويس اه الواحد يكشف بمقال و يعني سرطان رئه , توتر في اوتار الرجل اليمين , بجد نورتيني و شكراااااااااااااااا

lyssandra يقول...

هههههههههههه

لذيذه أوي التدوينه دي

ضحكت بجد

------

كل سنة وانت طيب

هيا فعلا بقت حاجه مملة أوي
عيد - عيديه - أغنية صفاء وسعد نبيهة - وكل حاجه كل حاجه

ياللا ماعلينا

انت حكيت وقلت الخلاصة

كل التحية

Lyssandra

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

غير معرف يقول...

جميل يامصطفى.......بس افتكر ان مشكله الرجل الاول دي تحت السيطره بدليل اننا مش بنستخدم الشكل ده من الكتابه في كل حاجه.....مش عارفه بس انا مش حساها ان ممكن تاثر علي لغتنايعني مثلا بعد عشر سنين مش هيمتحنوا الثانويه العامه وتبقي اسمها " 2mt7nat 2lsanawya 2l3ama "

حررروووف يقول...

بوستاتك حلوة اوي بجد ةانا بلف في مدونتك من امبارح ههههههههههه