الخميس، ٢٧ نوفمبر ٢٠٠٨

أرن لروحي فجاءة


الرنات ما بين الحقيقه و الخرافات
" أرن لروحي فجاءة لاقيتني"
.................................................
الاسكندرية بالصلاه علي النبي
في 28/11/2008
واحده مساءا
..................................

بما اني انسان محترم و عديم الموبيل , مما يؤهلني للفوز بمدالية انشاء الله ميدالية مفاتيح ,يعني انا اجدع من بتوع الاولمبيات, بجد عمري ما فهمت فكرة الرنات
, بجد و الله , دا عاوز عالم , كتب ,دراسة , فحص و محص, مراجع,
دا احنا لو كنا ايام الحرب العالميه التانيه كانت هتبقي لغة اشارة وقتي ليه بقي ,
اكيد كنت واقف مع واحد صحبك و لقيته بيقولك في بساطه بعد رنه الموبيل



" يالا بينا "

ترد في عمق

" ليه يا طينه؟"

يرد في فلسفه

" الواد رنلي علشان نجيب البيبسي و نروحله علي القهوة و اه فكرني ابقي اجيب سجاير "

طبعا واضح انه عرف كل ده من الرنه

بلاش ده لسه من كام يوم بتصل باللي انا مرتبط بيها بالليل و انا مروح اول مره كنسلت , التانيه مفاجاءة تركته لم يرد في التالته كنسلت
علي فترات زمنيه متباعده ,
قولت خلاص مش هينفع ترد في لطف بشري فان , تاني يوم لما اقبلها تقولي


" انت ما اتصلتش ليه؟ "

ارد انا و انا اكاد اكون هتلر لدي رؤيته لعلم اسرائيل , تخيل الريأكشن ,


" طب ازاي دا انا اتصلت تلات مرات "


اسمعوا بقي الرد

" لا ما اول مرة اتصلت انا كنسلت علشان عقبال ما اطلع علي البلكونه علشان اكلمك
,لما اتاخرت دخلت ,
فلما اتصلت تالت مره كنت دخلت "


ملحوظه " الفاصل الزمني عباره 15 ثانيه"

طبعا انا الغلطان اللي مشوفتش كل ده في البلوره السحريه

تكتشف ان رنتين ورا بعض معانهم اننا عاوزين العشا , رنه ونص (فزئيا استحاله) عاوزين الزبادي بس,
و الرنه تختلف مع اختلاف الشخصيات و الاصدقاء
و هناك كمان انواع من الرنات , هناك الرنه المركبه بمعني , هناك رنه تعني عدة اشياء

1- انا نزلت
2-ورايح الكليه
3-و هركب الميكروباص

4-و احتمال اروح افطر
5-فول او فلافل


أو


1-حبيبي انا لسه صاحيه
2-هقوم استحمي
3-و البس هدومي
4-واجيب حاجات من السوق
5-و اروق البيت
6-و هركب الترام و جايه في السكه
7-(هام جدا) و هركب في عربية البنات


كل ده في رنه واحده , تيجي تسأل واحد :

" ايه يا عم بقالك 15 سنه مش بتسال ليه؟ "

يرد في اقتناع الكفره بتمثال العجوه اياه

" ما انا برنلك !!!!!!!"

طبعا لو فتحت اي قاموس بيحترم نفسه او حتي بيسب مش هتلاقي كلمات بليغه زي الرد دا
يعني وصل بينا الكسل لدرجة اننا نكمل رفع ايدينا او الفقر اننا نتكلم , طب يبقي اشتريناه ليه ويقولك

" أهم حاجه الكاميرا شغاله؟ "

كاميرا ؟ كاميرا ايه ياعم

و "الفيتيو" , و يكون في الاساس بيشغل اغاني عبد الباسط حموده ,

طبعا لان الجهاز مخصص خصيصا لعبد الباسط مش اي حد تاني

" لا مؤاخذه هذا التلفيون , لاده تلفيون ولا ده جرابي و لا دا انا , لا دا شكلي ولا دي رنتي , انا مش هرن , قولي ايه يا موبيلي قولي , يكونش دا نهايتي و اخر ارصدتي؟ "

بجد وبكل فخر الحمد لله علي نعمة الا موبيل


و الي لقاء علي رنات بقي.

في الساعه ال 1 برضه بس ثواني و تبقي اتنين




هناك ٨ تعليقات:

غير معرف يقول...

والله عندك حق يا درش بس تعمل ايه ما هو ده جيل الرنات

وانا بسجل اعجابي بالمدونات بتاعتك

وانت مشروع كاتب هايل وربنا يوفقك

احمد بن نبيل

Die يقول...

موهااا هااا حلوه مشروع كاتب دي , يعني مش تاكسييييييييييي
نيهاهاااااااااااااااااا
الله يكرمك يارب

Unknown يقول...

hey Ya man you are amazing and the great writer, And you alright they idiot people .

Unknown يقول...

ما تخلص بقى واتحفنا بالحاجات دى فى ام كتاب عشان نعرف نتفشخر بيك
ملازم اول احتياط مستدعى /احمد فؤاد

Die يقول...

و ماله يا صحبي , اول ما بابا يبيع دكان الخمره و الالهه هنزل الكتاب انشاء الله دعواتكم , بجد شكرا لمشاركتكم

غير معرف يقول...

الرنات ده فعلا علم شبه كدة علم السلوك في علم النفس فعلا كل رنة هدفها مختلف تماما عند كل شخص
بس المصيبة إن أوقات كتير بيبقى تفسير الرنة غلط يعني صاحبك ده بعد ما بييب البيبسي يكتشف إن صاحبه عايز سبرايت وهكذا

غير معرف يقول...

اشطة عليك يا ابو ديشا يا غالى
المدونة تمااااااااااااااااااااااااام
بس واضح انك هتتقفش قريب
خاف على نفغسك بقى
الفيس بوخ له مخالب

غير معرف يقول...

لا بجد جاااااااااامد هههههههههههههههههه