الثلاثاء، 19 يونيو، 2007

يوم و سنة



يوم و يعدي
سنة وفاتت
اتمنيت امنية ولما ماتت
ضحكت لما دموعي بانت
وهعمل ايه؟
كلام كتير عاوز اقوله
حلم بعيد نفسي اطوله
احلام محتاجه جناحات
و قلوب كتير بتدمع ساعات
وهعمل ايه؟
الدنيا ديا واسعه عليا
بجري وانا مغمض عينيا
بحاول اقتل خوفي
بحاول اقهر ظروفي
وهعمل ايه؟
احلامي ملهاش نهاية
دموعي بتلخص الحكاية
مش هستسلم للنهاية
اكتر من كده ايه؟

ليست هناك تعليقات: