I Will Never Know..

I Will Never Know..

Befor i go to sleep every singel day , while staring at the dark and befor my eye's get peace with the dark and be able to see , i ask my self 

Why im crying right now? 

why my eye's even when they are closed still all the photo's , all the smile's , all the tears ?

why God let me here? does he hate me? love me? forget all about me ? 

why do i hate love story's and also goodbye's ?

and their only one photo in my mind...of an old lady i dont even know her name 

and the track of 60 jazz music i have never hear befor

why when i look to the cloud's i see them like uncompleted puzzle of my soul?

why do i still feeling her touch? even that she hurt me like hell? even that she was the worth i have ever seen?

and when i walk by the sea .. all that im able to see is happy seagull singing that song all the day long ?

i smile after my tear goes away , i always do 

i don't really know what im doing , or even why..

but i don't care , tears and smiling are just part of plan 

a plan that start every single day 

a plan that have no dictation

a plan that i will never be able to understand

im not depressed and not alone 

im not crying because im sad , and will never be smile because im happy 

if this your way to judge people , so let me tell you, you with the wrong guy to do this

i will never know alot of thing's in this world

and i dont give a damn

i will never know alot of thing about my self

and still don't give a damn 

i will never know if i will ever see your face and touch you again

and i will never give a damn

what im sure of is that...

when i will go to sleep it will take time..

By..

Mostafa

أنا لا اعرف

جائتني وانا استمع اليها
لذلك من العدل الاستماع اليها
http://www.youtube.com/watch?v=FNoCXwInAzE
...........................................
أنا لا أعرف الافلام
أنا لا أعرف الاغاني
أنا لا أعرف الجحيم
أنا لا أعرف الجنة
أنا لا أعرف شعور موج البحر
أنا لا أعرف معني نسيم الهواء
أنا لا أعرف معني الكلام او الصمت
أنا لا أعرف معني الشجاعة او الخوف
كلها اشياء أكبر وأهم وأضخم مني
أكبر من أني أقدر علي استيعابيها
لا أعرف معني الضوء ولا أهمية الفيزياء
لا أعرف أهمية الرياضية أو علوم النفس
لكن ما أعرفه حقا..
هو أني عندما أراها..كل شئ يتهاوي
ولا يبقي غيرها..
أعرف أيضا أن معها أشم لظلها رائحة عصير الفراولة الممزوج بالياسمين
أعرف أيضا أنها لا تراني ..
وأعرف أيضا أن شعرها له لغة خاصة به فقط
أعرف أن رائحة جسدها يشبه رائحة تلك الزهرة النادرة التي تنمو بسبب المطر الفيروزي فوق اعلي جبال الروح...
أعرف أن الصمت هي لغتي معها..
أعرف أني أطيل النظر أليها لكي أرسمها في عقلي تحسبا لعدم رؤيتها مرة أخري ..
أعرف أن ابتسامتها المصحوبة بدمعتين لابد وان لهم طعم الخوخ اللبناني.. وأعرف أن تلك الابتسامة مجردة أشارة أو اداة لجعل العالم مكان أفضل..
أنا لا أعرف الكثير من الاشياء ولكني لا أهتم
وليست هي كل أهتمامي..ولكن هي فقط من تجعل المعرفة أمر شيق

White flag

I will raise my white flag

It not represents any weak

Or surrender, it not represent any fucking thing

Just my soul, my dream, hope, fear, heart, mind

Just

Blink

Like that cold white flag

So you can see it from every where

And not approach, not try to help me from hell

Not try to do anything

Just leave me

With the flag... I do not need your ship

Mind, thought, all I need

A lighter to burn my used up dream

Burn the far away smile

Burn the old love story

Burn the empty space's between my finger's because it make me remember how I miss her

Burn the sand that makes feel soft, and the sea water that make feel free

Burn all the stars when im alone to make just one wish

My flag will feel my heart beat

Will wave me as the wind talk to me

And tell me more secret's

So when you see my flag, my white flag

Know that

Im

Ok.

شجرة ما

شجرة ما
شجرة كليوباترا
يرجو تحميل هذا الشعر مع قرائتها

http://www.youtube.com/watch?v=8pACCyN48gQ



................................
هذه القصة بنسبة ليس صغيرة حقيقة
سمعتها من فترة ,وتعلقت بتلك القصة بقوة
لا اعلم لما تذكرتها الان
.................................................
" السلام عليكم و رحمة الله " تستدير براسها ناحية الشمال
"السلام عليكم و رحمة الله " , دي كانت صلاة العشا , دايما بيجلها شعور غريب بعد الصلاة , صلاة العشا تحديدا , يمكن علشان كانوا متعودين علي الصلاة سوا؟؟؟ يمكن سكون الاجواء هو السبب؟؟
خلعت الطرحة ,البنفسجية التي ذهب لونها مع لون شعرها الاسود علشان تفضل الجدائل البيضاء الناصعه , تمسك بالسبحة , تقف امام البلكونة , تتردد في فتح تلك البلكونة , تدفعها , تبص علي الكرسين الخشبين وهذا المصحف القديم الملئ بعلامات الترقيم , الصفحات المخلوعة ,تقعد علي الكرسي اللي علي اليمين ببط , وكان مش جسدها اللي بيقعد , كان روحها وذكريتها , كل الجمل اللي انت بتسمعها عن الاحفاد والزواج والعلاقات والمشكلات والافراح ,تستريح ببط علي هذا الكرسي الخشبي ,تبص علي المصحف تتوقف عن التسبيح....
تمسك المصحف القديم باديها الاتنين , تشم رائحته , ليس رائحة المصحف ... رائحته هو ...رائحة من تركها للشمس وللقمر
رائحة اليد ذات العروق الواضحة ,الجلد المنكمش مع الذكريات
تلك اليد التي تحتاجها الان وحالا .....
تكتم تلك الانفاس مخلوطة مع تلك الذكريات مع الضحكات مع الدموع ... ولكن ف النهاية لازم النفس يطلع
علشان نفس جديد يدخل...
تبص علي الشجرة اللي قدامها أعلي محطة ترام كليوباترا بعيون لا تري تلك الشجرة كما هي تراها علي اصلها....
تراها...
...................................................................
"السلام عليكم ورحمة الله " يلتفت الي اليسار
"السلام عليكم و رحمة الله " يرفع يده ويدعو الله وهو مبتسم وهو لسه علي الارض , وهي تؤمن من خلفه , بنفس الطرحة البنفسجية ولكن اللون كان اكتر حياة هنا يحط ايده علي وجهه ويهمس بدعاء ما... تنام علي ظهره حتي تسمع ما يقوله ... يقوم يلم سجادتين الصلاة , يدخل البلكونة يجلس علي الكرسي الخشبي ناحية اليسار
تدخل عليه وهي ممسكة بكوبين كاكاو , تجلس..تنظر ليه وهي تشرب الكاكاو , هو مازال هو , تلك الابتسامة , هذا الهدوء الغير البارد , تفاصيله الواضحة ... طريقة كلامه المريحه وكانه يحكي حكاية , كانت ومازالت طفلته وليست زوجته ...

"عارفه أحلي حاجه هنا ايه؟؟ " سئل والابتسامة علي وجهه لا تفعل شئ غير ان تنير وجهه اكتر

" أننا هنا سوا مع بعض ولا الكاكاو اللي انا عاملها ؟؟ "
يضحكان يمسك يدها ويقفان وينظران لشريط الترام والطريق والبيوت اللي لسه مجتش يحضنها من ظهرها ويسمك يدها ويرسمان

" كل شئ هنا جميل , المكان هادي , سيبك من الترام , بوصي علي الهوا عامل ازاي , كل يوم وشك بينور اكتر واكتر , داخلين علي 20 سنة ولسه كل يوم بنبني حلم جديد "

كلامه كان همس ف اذنها , تفتكر كل شئ , البداية الصعبة , اول ولادة , اول زواج , اول فرحة , اول حزن ,اول صلاة جماعه منفردين , اول كل شئ , اول معني لكل شئ معا , تشعر بتلك الدموع علي كتفها , يهمس في هدوء كعادته
" بحبك "
اوقات كتير مش بيبقي فيه اي معني لاي اي كلام , اوقات كتير مجرد الصمت بيبقي ابلغ رد , علشان كدا سكتت ... علشان كدا حبته... علشان كدا هي زوجته , تلك اليد , تلك الانفاس العطرة
اول مرة تعرف معني...
" أنا بحب رايحتك قوي , مش الريحه اللي بتحطيها , لا , رايحتك , الريحه الربانيه ... التركيبة السحرية ... اللي ربنا ابدع فيها وكنتي انتي ليا انا بس "

تلك اليد , ذات العروق البارزه ,هذا الجلد المنكمش ,همسه السحري , صوته القادم من اعمق اعماق قلبه ... لهذا هي تعشقه ببساطة
يجلسان مرة أخري , يمسك المصحف المتامسك ,يغمض عينه ,يمسك يدها ويضعها مع يدها ويطلب منها اغماض عينها ,ويطلب انها تفكر في شئ , ويمران بيدهم علي المصحف الشريف , عدة مرات الي ان يستقرا معا علي ما يريد الله ان يقوله لهم
يفتحان عيونهم علي سورة أبراهيم علي الاية من 23 الي 25

" وَأُدْخِلَ الَّذِينَ آمَنُواْ وَعَمِلُواْ الصَّالِحَاتِ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا بِإِذْنِ رَبِّهِمْ تَحِيَّتُهُمْ فِيهَا سَلامٌ , أَلَمْ تَرَ كَيْفَ ضَرَبَ اللَّهُ مَثَلاً كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء , تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ "

ينظر اليها ويبتسم ويقول....

" ها ايه رايك؟؟ "

تنظر له في حنان وتقول

" ها ايه ؟؟ مش فاهمه تقصد ايه؟؟ "

يبستم ويمسك بيدها ويقول

" ايه رايك نزرع شجرة هنا " ويشير في الاتجاه التي تنظر اليها

" شجرة؟؟ هنا؟؟ في كليوباترا؟؟ "

" اه , وايه المشكلة؟؟ تخيلي كدا , هتبقي زي ما تكون حفيدة لينا , نكبرها ونراعها , تكبر قدامنا , وتظلنا "

" بس الناس هنا يعني .. آنفين قوي "

" هههه , يا ستي , نعتبرها زي ما بقولك حفديتنا الجديدة "

يسكتان , يتحدثان ويضحكان ويتكلمان و......
............................................................................
هو امر ليس هين بالمرة ان تشعر شعور شجرة
هي كانت كذلك الان ,تلك الشجرة كانت هي لا احد يحاول حتي ان يستوعب هذا , تلك نوبات البكاء , شعورها بالوحدة وسط كل هذا العدد من المحبين لها ...
الشجرة بتميل وبترقص سلو مع الهوا وهي زيها بترقص سلو مع الذكريات , الشجرة دي اللي زرعتها معاه
العرق بتاعهم كان اول شئ روي الشجرة دي وهما بيحفروا
ضحكهم علي تريقة الناس , كلامه عن الحفيدة الجديدة ,
الان هي والشجرة , وجها لوجه ,مبقتش تحكي اي شئ غير ليها
والدينا بتشتي والدينا حر ...
وهي مبسوطة وهي زعلانه .. تقف في نص البلكونة ... تسند بدراعها...تفرد نفسها ... تاخد نفس عميق ...وتتمايل مع الشجرة
الي الامام والخلف... واليسار واليمين
بالنسبة للناس هي مجرد شجرة ما...
مجرد شجرة موجودة علي الترام في كليوباترا
بالنسبة للناس هي مجرد شئ ,زي كل الاشياء اللي عمر
ما حد كلف نفسه وبص ليها , هي هنا ازاي وليه؟؟؟
انا كنت واحد كدا , مجرد حفيد يري جدته الطيبة
العاطفية التي يحبها الجميع , يري تلك الشجرة الضخمة
ولا عمري فكرت اني اعرف ,لاني بكل بساطة مش مهتم
ولكن لما تسمع الحكاية تفهم
كويس جدا.... ان شجرة كليوباترا
ليس مجرد أبدا شجرة ما...
....................................................
ملحوظة هي ليست جدتي
وليس لي اي علاقة انا فقط ناقل للقصة
الا وهي قصة الشجرة ,التفاصيل الاخري
هي فقط من خيالي المريض
لذلك لمن يعرفون الحقيقة عذرا
سامحوني.

فكرة : ماهييي العزيزة وجلال الحب العزيز
كتابة العبد لله مصطفي كرع

حقيقة الاهرامات

(ما رفض قوله للعالم جاء الوقت للكشف عليه الان)

ترردت كثيرا قبل ان اعلن هذا الكشف الرهيب
لما به من صدمة عارمة
ولكن الامانة العلمية
تحتم علي هذا
عن اهرامات الجيزة او كما تتطلقون عليه حتي الان
محدش سئل نفسه ليه الحراسة الشديدة المتوفرة حول الهرم ؟؟
ومش مسموح الطلوع علي (( الاحجار)) ؟
ليه الشاب اللي طلع علي قمة الهرم اتقبض عليه فورا؟؟

يقولون ويعتقدون انها مزار سياحي
بل ومن اجل التمويه ايضا يعتقدون انها كانت مدفن
او دار جنائر كبيرة للفراعنة العظام

ولكن القبور مالينه من امثالكم السذج اللي اعتقد ان

تلك (( الاحجار)) ولا تلك (( دار الجنائز)) هي فعلا كذلك

والان جاء دوري للكشف العلمي الصريح التاريخي الحديث

الذي سيقلب الارض دون ان يعدلها

وقبل الاعلان اعتذر لكل الاحزاب

المستقلة والمحظورة والمتاحة والمغلقة الحاكمة واللي متحكمش

والسيكو سيكو

فتلك مفاجاءة ليست بالهين علي اهل تلك البلاد

الاهرامات سيداتي انساتي سادتي ما هي الا
مجرد..
صناديق انتاخاباتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت
تعود الي ايام الملك خوفو وهناك اقوال تقول وما قبله ايضا
ف الانتخابات التشريعيه الاول بعد توحيد القطرين علي يد مينا واجراء انتخابات رسمية , من اجل انتخاب مينا , الدليل مرفق مع الكتاب
برديه 229/*/487
مكتوب فيها

"تغلف الصنا-ديق وتكون علي هي-ئة أحجار صل-دة وتصنع علي هئية هرم "

لماذا؟

يقال ان الملك مينا , بعد ان قادر الضربة الارضية الخارقة ,من اجل تلك البلاد قرر , قرار ثوري ملكي جمهوي تطلعي يثير الدهشة الا وهو بعد توحيد القطرين , ان يقوم بتغيير الدستور الملكي , بعد ان شهقت الملكة الام والملكة الزوجة , الملكة الابنة وكل ملكات المملكة , واعتبروا ان الملك , يهذي علشان البلطة اللي خدها ف الحرب , لكنه فسر ليهم
ان ما بعد جمعيات حقوق الفراعين , بهدلوه علشان لوحته وهو ممسك باحد خصومه وهاتك يا ضرب , والصورة التانيه والمواد مسلم نمر , محدش اقتنع منهم ان الواد اللي كان ماسكه الملك مينا , مات باسفكيسا الخنق وانه بلع لفافة بردي , بينما الملك كان بيحاول يطلعها , فطلعت روحه الاول
فقرر تغيير لوك المملكة كله لوكشه واحده , وقرر تغيير الدستور مما يتعارض , مع فكرة انه اله , بس قالك اللي امه راضيه عليه ميهموش مين حواليه
بس هو كان حويط , ف احتفالات القطرين المتوحدين وهو يلقي كلمته التاريخه , فكر ما يجرب الاول ف الانتخابات المحلية الاول , انتخابات مجلس ال-شو-ري , وفعلا اسس , حزب رع وحط ابنه علي رئاسة لجنة الاحزاب السيد المحترم الدارس ف بلاد ما وراء النهرين والحاصل علي اللفافه الذهبية السيد جم-اد مينا ,وتقدم المواطنين للحصول علي حق تأسيس احزاب , من اجل الانتخابات ولكن حزب أمون وجد ان حزبه رفض تماما , لانه قائم علي اساس ديني من حيث الشعار " الشمس هي الحل " ورمزهم الابدي الشمس , واعتبر ذلك خرقا فظيعا للدولة المدنية , ساعتها بس ايقن موؤسس حزب امون المحظور , ضرورة تغيير التفكير , والنزل الي شوارع طيبة ومنف من اجل اقناع الشعب , ان الحكومة ليست مع أمون , وان حزب رع الحاكم سيزور الانتخابات ,وطالبوا الحكومة انها لو بجد مقطعه برديتها , ونفوسهم نضيفة يجبيوا لجنة تشرف علي الانتخابات من الفنقين ,لكن الحكومة اصدرت لهم بيانا لم يقدر علي فكه حتي الان ولا حتي شامبليون , ولكن يعتقد انه سبة طويلة , مدونة في 12 بردية , موضحة بالرسومات بس مازالت بعض الشتائم , غير ظاهرة , وبدات الجولة الانت-خا-بيه الاولي لمجلس الفراعين , وبنتيجة غير متوقعه , فاز حزب رع بكل المقاعد بينما , فاز مرشحين مستقلين بكرسين بجوار الباب , علشان الحكمة الفروعينة بتقول

يا بخت من زار وخفف

ثاروا حزب امون , انهم اصلا معرفوش فين اللجان , وان الانتخابات اتعملت ف موسم لم القطن يعني الشعب كله كان بيلم القطن يبقي مين وادلي ببرديته ؟؟؟

ظهر المتحدث الرسمي لحزب رع , لكي يرد علي الافترءات
ان الانتخابات كانت من احسن الانتخابات اللي حصلت ف الكوكب , وان الفنقين مش مصدقين نفسهم بمدي تقدمنا , وعندما تجراء صحفي علي قول , ان دي اصلا اول انتخابات ف الارض , تم استبعاده من المؤتمر , فكما تعلم الاراء السلبية ييععع ف تلك المرحلة التاريخيه

وتمر السنين ويظل حزب رع هو الراعي الرسمي للانتخابات
اه بالمناسبة , سادت ف تلك الفترة اسئلة عن المرشد العام للامون وان شعار الشمس هي الحل اختفي ف ظروف غامضة بس الاسئلة دي مش ف مكانها دلوقتي

وياتي خفرع ومنقرع ويسلمون الراية
الي خوفو , الذي قرر بعد ان يكون اكبر قيادة تاريخيه عرفها الارض , فهو امتداد لثورة الطمي التي اطاحت بحكم الملك نفرو الذي مسك الحكم في نص برديه مثلا , وقام الفراعنه الثوار بثورة مباركة , تحت رعاية رع , واقاموا دولة قائمة علي النزاهة وعلي المساواة ما بين الفراعين , ولا فرق ما بين فرعوني و فرعوني الي بالسخرة , وجاء خوفو

اعلنها منذ اول يوم , انه ليس امتداد للاحد غير للحكم الرشيد لطيبة ومنف ,وان عينه علي مشروع قومي للبلد الا وهو المشروع اللي هيوفر للشباب العاطل فرص عمل وقد كان طلب المهندسين البارعين ف المملكة كلها , من اجل التشارو ف المشروع القومي الاكبر ف التاريخ والذي سيخلد اسمه ابد الابدين الا وهو

البسين الاكبر ,وليس الهرم الاكبر كما يظن الناس , وبالفعل بدا الناس في العمل الجاد ومع مرور اول دورة شمس علي الرئيس الراعي الرسمي لطيبة خوفو , قرر انه يكمل المشروع القومي وبالتالي يكمل ف الحكم , وحكم ورا حكم ودورة ورا دورة , بداو الفنيقين والهكسوس والحيثين ينبروا ف الموضوع , لان كان حزب رع بدا يتنفخ وبدا يقلب المواجع ع الناس واد ايه مستواهم انخفض , ف لامؤاخذه ف الكلمة الفرعون من دول بياخدله عنزة صغيرة مش تكفيه شهر , بينما الفرعون الكبير والمسؤلين ف حزب رع من امثال الفرعون الكبير حد-يد-عز او الكاهن الاكبر صف-وت يتقاضوا علي الاقل 12 جاموس وحشي علي بتاع 150 جاموسة حلوب وغيره من التسهيلات , المهم الجهات الاجنبية السابق ذكرها قررت تلعب الدنئية وتضغط علي الملك خوفو من حيث الامدادت من بلاط وسراميك علشان البسين الاكبر , مقابل السماح للاحزاب اخري بالدخول ف الساحة ويبقي فيه رقابة علي الانتخابات المقبلة

ثار الملك وماج وتف علي كل اللي حواليه بما فيهم ولي عهده وضرب مستشارينه بالصولجان في مناطق موت , وبالتالي هما طلعوا الضرب دا علي الفراعين وفي الرد علي البرديات العالمية اللي تم ارسلها اليهم , وعندما جاءت اللحظة الحاسمة ,الا وهي الانتخابات وما ان بدات الانتخابات وفي الاماكن المعلنة عنها , كانوا الناس يذهبون يفاجئون انهم ذهبوا الي حمام عام , وليس دائرة انتخابية حجرية , وعندما ذهبوا الي المراكز الحقيقة وجودو ان العبيد ينقلون احجار ضخمة , قلبهم كلهم الصراحة وسئلو ايه ياعمنا الاحجار دي؟ (( اللي هي صناديق اقتراع)) قالك اصل الملك خوفو الهي رع يباركله نفسيته حزت عليه قوي ,فقرر يبني مقبرة كبيرة ليه بس بالصناديق بتاعت الاصوات علشان يفضل متحواط باصوات الناس اللي بتحبه علشان لما يتحاسب , وقلبه يطس انشاء رع يعني ويدخل الحياة الاخري كدا فريش , ثاروا الناس وهاجوا وماجوا وارعدو وازبدو وفرطسوا وكل شئ
تم تكوين الهرم ( السيكو سيكو) وكالعادة اشادت المنظمات الدولية بعد ما كانوا بيسبوا الدين ل لرع , بعد الانتخابات المقدسة تلاقيهم , نطوا من الفرحة وزاغيط علي عرس الديمواقراطيه , وبالمرة كمان فكرة عروسة النيل مش علشان يحصل فيضان والخير يجي علي مصر لا , هما كان بيختاروا البنات دول لانهم كانوا بيبقوا شغالين جوا اللجان الانتخابية , وبيردوا عليهم العبارة الاقدم

"انتي شوفتي حاجات كتيره وسمعتي حاجات كتيره "

وبالنسبة للاهرامات الاخري , اظن ان الامور وضحت دي بقية الدورات

وانا من هذا المكان السري الذي اجلس منه واكشف للعالم كله علي هذا السر الرهيب
احب ان اشيد بالقائد الاب , الحنون صاحب الضربة الجوية
فاتح توشكي العظمي , وبالحكومة الجديدة الالكترونية النظيفة اللي بتبرق وبالسيد جمال مبارك والسيد صفوت الشريف , انهم محوا تلك الاثار السئية التي لاحقتنا من تاريخنا الفروعني وكما اني استغرب من الدعوات الغربية الداعية بالديمواقرطية من اجل الاحساس بالحرية , مع اننا والله العظيم حسين بيها اكتر مما هما هيتخيلو
بينما الحركات الشعبية الشغبية امثال البرادعي الغر الساذج والجماعة المحظورة (استغفر الله العظيم) والحركات الشوعاء الغوغاء تحاول ف ان تحرك الرمال المتحركة اصلا !!

و كما اني اشيد بالاخ الحديدي الفولاذي السيد...

مين بيخبط عليا دلوقتي؟؟ في مكاني السري؟؟ وف الوقت دا؟؟
ثواني اقوم اشوف , هتلاقي حد جي يعيد عليا علشان النهارده عيد وفاء النيل , يا سلام علي التأخي يا سلام علي ......

خبر في جريدة الاهرام

" القبض علي مؤرخ تاريخي مختل عقليا , يزعم ان الهرم خوفو وخفرع ومنقرع , ما الا غطاء الا للاثار الحقيقة الا وهو البسين الاكبر وليس الهرم الاكبر , وان الاهرامات الثلاثة ما هي الا صناديق اقتراع تعود الي ايام الملك خوفو , وان ابو الهول , ما هو الا عبارة مراقف رمزي , واخذ المتهم يشدو باغنية " انا من البلد دي" ويدعي ان تلك الاغنية ما هي الا شفرة ممن الممكن عن طريقها حل العديد من ازمات البلد , كما ادعي انه كان يعمل برعاية مباشرة من الحكومة , وهذا ما نفاه مسئول كبير في الحكومة وقال انه لا يتعامل مع الاشكال الحقيرة امثال المدعي المؤرخ
هذا ونهيب بالسادة المواطنين , عدم الصعود علي صناد... اقصد اهرامات الجيزة كرم الله مثواكم "

re-think

well to make the long story short , you don't know me , but i know you very good , believe me

all i want to say to you , that life here isn't what you think , not wow , not anything in matter of fact

if you think like you always say and wish that be alone is the best thing ever ,sorry , re-think again ,

you know why? because you will always cry and no one will ever wonder why , you will sleep every single day alone in that ugly soulless bed , worth feeling ever when you look beside you and even not able to see

your own shadow !! , re-think , what i remember the most is your hair , that long soft black hair , always

smell like heaven , i was able to sleep over it for ever !! and never feel that im sleeping ,

because the minute my eyes get on you me feet no longer touch the ground

here nice and cosy but simply you are not here ,

i miss your angry face , i miss your tear when you are so happy , i miss this look in your eyes that make me feel im the man

i miss your unconscious move when i told you something strange

well i miss every single detail from your hair , to the air that you left behind

i miss you sorry that im not around and i will not be able to be around any more

you know its to hard to be around when you are dead !!

14/2/2010

لما تحس

بسم الله الرحمن الرحيم

انا مش قادر أفتكر هو قالي فاضل اد ايه؟ بس اديني هلحق اقول اي حاجه و زي ما تيجي بقي!!

لما تحس أنك عاوز تجري بأقصي سرعة ليك لغاية ما عضلاتك تتحرق

لما تحس انك واقف علي ارض كلها شوك مسموم ساخن

لما تحس بقدرة غريبة علي الطيران دون أجنحة أو أي مساعدة

لما تحس وانت راكب الاتوبيس أنك وحيد تمامااااااااااااااا

لما تحس أنك غير مرئئ مجرد كائن شفاف أي حد يمكن أختراقه

لما تحس انك صندوق زباله أي حد ممكن يعدي ف أي وقت يرمي زبالته وترجعيه الفكري دون ابداء اي شكر او تعاوم مستقبلي

لما تحس برهبة غريبة من ضوء الشمس و من اصوات الناس وكأنك طفل رضيع يستجيب لاي مؤثر حوله

لما تحس شعور مركب ف عمق البحر ف شهر طوبة او امشير بينما علي السطح ان مبتسم

لما تحس شعور الطفل اللي الايس كريم بتاعه ساحت قدامه عينه وهو مش فاهم ايه اللي بيحصل ولا قادر يمنعه

لما تحس انك نفسك بجد انك تمتلك القدرة علي الانتقال الاني من مكانك الي اي مكان ف الارض

لما تحس بشعور الديجا فو أو الرؤية المتكررة لنفس تفاصيل حياتك - السخيفة- للاسف بنفس الثبات مع التغيير الوحيد هو ازياد الالم بشدة

لما تحس ان خلاص دي اخر مره هتنام وانت تبكي - تفكر - تلعن كل شئ - تتنمي انك متقموش





لما تحس ان يارب الوقت يقف او يجري بسرعه لعل الاتي افضل

لما تحس شعور قعدتك ف امتحان سخيف طويل وانت لا تعرف حرف وعامل تبص علي الوقت علشان نص الوقت يجي و تطلع

لما تحس بشعور كالسحر بعد يوم طويل من الارهاق البدني و الذهني و المشاعري بمجرد ملامستك لفراشك الابدي

لما تحس ان فيه أكتر من مئة مسدس مصوبين علي دماغك ويتم بالفعل اطلاق النار ولكنك لا تموت بل مثل سيزيف يعيد تمثيل تلك الحركة بمنتهي الهدوء

لما تحس بشعور الحمار ف مطلع مع عربجي بشع الاخلاق لن يتورع عن جلدك لمجرد انه يرضيه

لما تحس بشعور التربي الذي لم يعد يفرق معه رؤية الموتي من كثرتهم

لما تحس بشعور عصفور أثناء طيرانه ف ظل نوة وبعد محاولاته يكتشف ان عشه انهار

لما تحس شعور وحيد القرن -يوني كورن- وانه محبوس ف جنينة الحيوانات او شعور الدرافيل ف مدينة الانتاج

لما تحس بفوبيا الاماكن المغلقة او الضيقة ولكنك تتضطر ان تعيش ف تابوت للشق التاني من حياتك

لما تحس انك ليتك كنت شاذ علشان متعرفش واحدة زي اللي انت عرفتها وحبيتها

لما تحس شعور الغابات وهي عارية تماما من اشجارها

لما تحس بشعور انك ف نهائي كأس العالم و انت من سيدد ضربة الجزاء اللي ستحسم الامر لفريقك او للفريق الاخر و تضيعها و الادهي الحارس يتصدي لها

لما تحس بشعور العجوز الذي يقف ف صف التأميانات وعندما يصل يكون الشباك أغلق او يا حج دلوقتي بالكاريدت كارت

لما تحس بشعور واحدة تتعالج من السرطان بالكمياوي وكل من يراها يسئلها هي شعرك فين؟ و الاشد من هذا انها تعمل ف كوافير

لما تحس ان كلامك لا يسبب غير ضوضاء شديدة و في احسن الاحوال ان ستمع اليك احد لا يفهم شئ علي الاطلاق

لما تحس انك عاجز عن الكلام و عن التعبير وعن اي شئ , وان أحن شئ لك هو سريرك و كرسيك

لما تحس ان جدران غرفتك بقت بتضيق ف كل مرة انت بتاخد نفسك

لما تحس أن فكرة الصمت هي أفضل أختراع وجد علي الاطلاق

لما تحس ان أقرب اصدقائك هم مغنين روك ومياتل لانهم يشعورن بنفس شعورك وألمك

لما تحس اصلا ان ال.... اه معلش

الوقت خلص

نهايته لما تحس اصلا دا هيبقي شئ رائع لكن لو حسيت بكل الحاجات دي ف فالغالب هتكون انا
خد بالك مني بقي
اشوفك بقي

الي الاشتراكية وما بعدهااااااا

الي الاشتراكية وما بعدهااااااا
(مقتبس من عبارة باز يطير من فيلم قصة لوعبه)
.............................................................

علي حسب ما انا اعرف اننا كنا دولة اشتراكية ودلوقتي الحمد لله ربنا فتحها علينا من وسع وبقينا دولة ديموقراطية , وعلي حسب فيلم ((رد قلبي لو سمحت )) الثورة قامت كم اجل الشعب ومن اجل احكاك الحك و عزل الطغمه الفاسده الملكيه ((نيهاههاااااااااااا)) و زي ما انا قولت ان دا رائ فيلم (( رد قلبي وبطل غباوة )) ولان ربنا مش بيرضي بالظلم ولا ان ظابط من الظابط الشطار يتقل مقامه قدام الحته بتاعته (( ابلتك ام انجي )) , فكما نتذكر عندما هبطت عدالة السماء علي كرسي الرجل المشلول وياللعجب قام يصيح باسم مصر ف البلكونه , طب انا متخيل بقي مع اننا المفروض ف ظروف احسن و في اشتراكية اشتراكية مش هزار يعني , وراح واحد قايم دلوقتي وقرر انه ينادي باسم مصر ف البلكونة, انا برده متاكد ان عدالات اللي فوقيهم هتنزله حاجات لطيفة جدا هتخليه يعرف معني الوطنية الحقيقي , خلينا نشوف عقبال ما حولنا من الاشتراكية الي الديموقراطية حققنا ايه من ايه





مادة(1): جمهورية مصر العربية دولة نظامها ديمقراطي يقوم علي أساس المواطنة والشعب المصري جزء من الأمة العربية يعمل علي تحقيق وحدتها الشاملة

مادة(3): السيادة للشعب وحده، وهو مصدر السلطات، ويمارس الشعب هذه السيادة ويحميها ويصون الوحدة الوطنية على الوجه المبين فى الدستور.

مادة(73): رئيس الدولة هو رئيس الجمهورية، ويسهر علي تأكيد سيادة الشعب، وعلي احترام الدستور، وسيادة القانون، وحماية الوحدة الوطنية، والعدالة الاجتماعية، ويرعي الحدود بين السلطات لضمان تأدية دورها في العمل الوطني.



برده علي ما افتكر و العهدة هنا علي مجلة ((سمير , وان كانت هناك آراء تشيع انها تتلقي تمويل خارجي )) أن فكرة الاشتراكية كانت قائمة علي ان تكون السلطة في يد الشعب , امممم خلينا نشوف كدا

1-محمد نجيب (عسكري)
2-جمال عبد الناصر ( عسكري )
3-السادات (عسكري )
4-مبارك (قائد سلاح الطيران يعني عسكري برده)

ماشي في داهية الشرط دا ندخل علي موضوع تاني

مادة(23): ينظم الاقتصاد القومى وفقا لخطة تنمية تكفل زيادة الدخل القومى وعدالة التوزيع ورفع مستوى المعيشة، والقضاء على البطالة وزيادة فرص العمل، وربط الأجر بالانتاج، وضمان حد أدنى للأجور، ووضع حد أعلى يكفل تقريب الفروق بين الدخول.

مادة(33): للملكية العامة حرمة، وحمايتها ودعمها واجب علي كل مواطن وفقا للقانون،

مادة(35): لا يجوز التأميم إلا لاعتبارات الصالح العام وبقانون، ومقابل تعويض.

مع بداية الثورة والعهدة هنا علي ((سمير و بلبل )) ان الثورة اخذت الثروة والعقارات وكل شئ من اجل العمل علي اعادة التوزيع علي من يستحقها دون سلب او نهب , المشكلة حاجه بسيطة انهم ادو الحاجات دي للاغنياء نص نص وخلوهم اغنياء قوي وبالنسبة لمحدثين النعمة اللي مقدروش يتسحملو التغيير فقروا بيع نصبيهم الي الاغنياء قوي وخلوهم اغنياء غني فاحش و اللي استحمل بقي ف مجلس الشعب , لدرجة ان بحس دلوقتي ان الناس دي اوحت لمبدع شخصية (( عم دهب )) مع كامل احترامي لعم دهب


مادة(2): الاسلام دين الدولة، واللغة العربية لغتها الرسمية
، ومبادئ الشريعة الاسلامية المصدر الرئيسى

مادة(16): تكفل الدولة الخدمات الثقافية والاجتماعية والصحية، وتعمل بوجه خاص على توفيرها للقرية فى يسر وانتظام رفعا لمستواها

. مادة(17): تكفل الدولة خدمات التأمين الاجتماعى والصحى، ومعاشات العجز عن العمل والبطالة والشيخوخة للمواطنين جميعا، وذلك وفقا للقانون
. مادة(18): التعليم حق تكفله الدولة، وهو الزامى فى المرحلة الابتدائية، وتعمل الدولة على مد الالزام الى مراحل أخرى، وتشرف على التعليم كله، وتكفل استغلال الجامعات ومراكز البحث العلمى، وذلك كله بما يحقق الربط بينه وبين حاجات المجتمع والأنتاج.


*مجانية التعليم * مجانية العلاج *الديموقراطيه *القضاء علي البطاله (ودي تحديدا علي عهدة مجلة علاء الدين) , الاعتقال السياسي و الاعتقال بصفة عامة , وبتعجبني ان الدين الاسلامي مصدر التشريع البند دا تحديدا بشوفه عامل زي الرسوم المسئية لان لو دا النظام الاسلامي , اللي في فترة من ازهي عصور العرب و المسلمين والتاريخ الانساني كان شئ يتضرب بيه المثل ف النزاهة و الشرف و الكرامة و الوحدة هو هو نفس النظام اللي بيتطبق دلوقتي وبقينا عاملين كدا , يبقي الحمد لله احنا اثبتنا ان الدين بيتغير مع تغيير الناس وليس العكس المبادي لاتتغير بينما الناس هي من تتغير , وكما يقال الحق احق ان يتبع ,

أتخيل لو (كارل ماركس ) مازال علي قيد الحياة و جاء الينا من عامين قبل الغاء الاشتراكية ونظر الي ما صنعته لحيته او شاف الحكومة المؤلفه من رجال اعمال مش كان كفر بالاشتراكية كان سب الدين للينين بس كان برده هيبص للجانب المشرق للموضوع ان مش كل الاشتراكية انتهت هو تم اختزالها ف ثلاث اشياء

1- اشتراك الترام 2-اشتراك النت 3- اشتراك الوصلة

كان زمان مصيره زي مصير (عبدو الاستقراطي ) اجدع من رايته يبيع نفتلين بليه ف الاشارات
كان يقف ويفرد ذراعيه ويجري بين العربيات ويصرخ
الي الاشتراكية وما بعدها

المشكلة ليست ف مصطلح المشكلة ببساطة ف العمل
العمل اللي ممعمول للبلد دي ومربوط ف رجل طائر عنقاء

الي لقاء .

الرجل الاول

بسم الله الرحمن الرحيم

نظرا لان الرجل التاني و الرجل التالت تم التحدث عليهم من قبل زملاء فيجب علي الواحد يخلي عنده دم ملوث و يحترم نفسيته و يكتب حاجه جديدة بالصلاة ع النبي

علشان اللك الكتير بيجبلي هشاشة ف العظام

عن الراجل الاول نتكلم واضحه يعني من الاسم

انيه راجل اول

هو راجل انا بكن ليه كل من عزة و منال

كلنا نسمع عن اول واحد اخترع الراديو

او عن الرجل الاول اللي خترع التيلفون

و اللي اكتشف الكهربا

و اللي اكل الدوم اول مرة علي رايي جورج

و اللي اخترع السيما

و اللي اكتشف دواء معين

كل دول معروفين بالنسبة لينا ماعدا الراجل بتاع الدوم نسبيا

لكن الراجل اللي انا بتكلم عليه دا معجزة متحركة عقل ذري لا ينافسه غير الجهابذة ف العلم ف كافة الفروع و بجد نوبل اجحفت ف حقه ازاي ((

ماخدش )) الجايزة لغاية دلوقتي

الراجل هو بكل فخر اللي اخترع

2 =أ,ء,ئ

3 =ع

3' = غ

4 = ذ

5 = خ

6 = ط

6' = ظ

7 = ح

8 = ق

9 = ص

9' = ض

و في راوية تانيه و الله و اعلم ان ولا 4 ولا 6 ولا 9 مش موجودين و ف رواية تالته ان حرف غ يمكن كتابته = 8و الله و اعلم

بجد يعني راجل وهميييييييييييييييييييييييييييييييييييييييييييييييييييييييييييييييييييييييييي

نفس اشوفه ولو مرة واحده اتليام عليه بس مش هعمل فيه حاجه واصورها فيديو و اخليه عبرة لمن يعتبر و لا هعذبه و اقوله قول " انا راجل عربي " صدقوني مش هيوصل لكدا

المشكلة ف الراجل دا نفسي بجد اشوف اول مرة حصلت بس يعني , يعني مثلا جي يكتب كلمة ياعم فقالك لسه هيدوس علي ((ع)) لا يا سيدي ال ((3)) مثلا يعني؟

طب رد فعل اللي اتبعتله ايه موقفه؟

المشكلة انه طالما اكيد الموضوع استمر فاكيد رد الفعل كان مثلا

" eih d2 d2 g2med 2ker h2g2 lolololololol"

الترجمة

" ايه دا , دا جامد اخر حاجه , ضحكات"

لمزيد من المعلومات عن القاموس يرجي محادثة المؤلف عرض خاص بادر قبل نفاذ الكمية*

يعني هي وصلت ف الكسل للدرجة دي , خلاص يعني ربنا هيحاسبك لو كتبت عربي او انجليزي بس

يرد عليك واحد او واحده بتستعبط وعامله نفسها واحده

"ya 3am d2 29lo 2sahl "

بالتعاون مع الموساد فهمنا الشفرة و طلعت النتيجة

" يا عم دا اصله اسهل "

*الكميات قاربت علي النفاذ و عهد الله

بجد يعني حاجه تخليني فخور و ابقي عاوز (( اديله)) كل حاجه عندي بصراحة يعني من حب و وفاء و بالذات وفاء يعني اصلها بنت عشيريه

فهمنا اننا كسالي ف الشغل و ف الدراسة و العبادات و ف الرياضيه و ف السياسية و ف الادب و ف الكسل نفسه لكن دا ولا حاجه

حرفيا ولا حاجه

جرب تقراها وانت متعرفش الشفرة يالهوي يا خراشي ممزوجة بيعع

ليه يعني يا عم الراجل الاول خلاص ضاقت عليك من كل الكوكب ,

سيبك اني عندي فوبيا من الارقام و بتصبيني بتوتر بشع كانها ممثل من الحزب الوطني يتحدث عن مستقبل البلاد

خلاص يعني كلامك مهم لدرجة انك تعمله شفرة

بتتكلم ف اقتصاد غانا يعني ,

تتخيل بقي لو فيه مناقشة حامية الوطيس بغض النظر عن الوطيس دا , هيبقي شكل المناقشة ازاي؟

او لو عركة ؟ او لو قصيدة شعرية

y2 l2il2 k2m oh72bek t2le 2la k2lbe

" ياليلي كم احبك تعالي الي قلبي "

* معلش حظ سعيد المرة القادمة القاموس كل سنة و انت طيب

طب دلوقتي الراجل خالد الذكر دا يعني محدش يعرف سكته علشان افهمه غلطه بس مش اكتر

اصل الموضوع ولا ينرفز ولا اي حاجه

دا عادي يعني كل الموضوع انك بس بتحس انك ف الحرب العالمية التانيه

و انك الماني بتكلم الحلفاء علشان محدش يقطع عليك ان جاز التعبير

متشكرين ليك ايها الرجل الاول

روح الهي و انتي حجاهي يجيلك

25565665544 ومش كدا و بس لا

و 5456400054442265

ماشي يا 549+59666652100056525

سخافات لا نهائية المرونة

بسم الله الرحمن الرحيم

قبل ان ابدا اراهن ان هناك من يري سخيف لمجرد انه قراء الاسم , نعم ,

,لكن ارجو منكم ان تتقبلوا مني سخافتي القادمة لعلي لا اكون سخيف ,

,بداية اليوم السخيف المنبه الازلي بجوارك يعلن لك انك متأخر عن شئ ما تقوم كمن لدغه عقرب تفعل كل شئ يجعلك سخيف ومتأخر

,تبحث سجائرك السخيفة فقط لتكتشف انها فارغه ,تنزل لكي تركب اسرع مواصله اوجدها الانسان الا وهي الترام

,وانت في الطريق تبحث عن سجائر ليس علي الارض

تلك مرحلة متقدمه ولكن ليس الان ,

تشتري بالاموال القليله التي معك تنتظر الترام المنقذ فقط لتعلم مدي سخافة هذا الاختراع المسمي بالترام

يأتي وياليته لم ياتي مزدحم كيوم القبض

,تركب فقط لتسمع الجمل السخيفة علي غرار هوا الجو حر ليه؟والماتش امبارح كان في الهوبا ,

تذاكر يعلنها الاخ المحصل و كانه احد ملوك الروم

,تخرج ما تبقي من الاموال السخيفة تعطيعها للمحصل الذي يتعامل معك كأنك ذو القرنين لسبب انت تجهله بالطبع

,تصل الي مكانك متأخر فقط لتجد انك اول الوصلين ,تنتظر في ملل بشع وفي هذا الجو السخيف ,

يرن هاتفك بتلك الرنة السخيفة لتري ان اسخف مخلوقات الله بعد العنقاء مباشرة يتصل بك اكيد ليطلب منك مال او

نصيحة سخيفة ,تغلق الهاتف ,(يالها من حركة سخيفة!!)

,يأتي من كنت تنتظرهم ,تسمع كل المبررات السخيفة الممكنة ,من أول صحيت متأخر انتهاءا اخويا تم خطفه في العراق ,تذهبون الي السينما فيلم خالد لممثلين خالدين اينعم الفيلم يحتوي علي 7 اغاني كلها علي غرار (والعيال يخافوا مني ويقولوا العبيط اهو , العبيط اهو )

,تلعن اليوم الذي دفعت في اي مبلغ لتلك السخافات , حتي وان كان مجانا ,فقط تنظر لهم لتجد منهم من يبكي من كثرة تاثره من الدراما والعبر التي يحتويها الفيلم ,

تذهبون الي الكافيه تجلسون لكي تتحدثوا ,فجاءة تجد ان الموضوع المطروح للنقاش هو (مقارنة ما بين كشري ابو عطوة وكشري السيدة) ,تنظر لهم في صمت يالتلك السخافات اللعينة ,تتفرقوا ,تذهب الي بيتك لتجلس علي النت لتجد مئات الرسائل من نوعية (ان لم ترسلها فسوف تحترق في الجحيم

, او دعوة (لللاعتصام الحر من اجل البلد الحر) ,فقط ينقص عبارة (يسقط الاستقلال, ويا عزيز الكأس كان للانجليز) ,تقرأ اخبار لطيفة عن تعديل ظريف لما يدعونه كذبا دستور ,تقراء خبر تاني عن مدي وضاعة الحكومة وضعف ادائها ,تكره الحكومة و المعارضة و البلد ونفسك

,تترك كل هذا وتلعب فيفا فقط لكي تهزم من فريق مغمور وتخرج من الكأس ,

,تبدأ اسطوانة "قوم يا ابني ذاكر علشان مستقبلك المشرق" ,تجلس لتقرأ اي شئ حتي وان كان ميكي ,فقط

لتكشف ان ميكي ورفاقه عملاء للنظام الامبيرالي ,كم كنت سخيف علي مدي تلك السنوات ,تقرر ان تنام بعد تلك الليلة السخيفة ,فقط لتكتشف مدي سعادتك انهم اختارو عمارتكم لتصوير الجزء الثالث من فيلم قراصنة الكاريبي ,يعني السلم هيتغسل ,

.....تنام جاهدا فقط لتجد المنبه الازلي بجوارك يعلن لك انك متأخر عن شئ ما