الجمعة، ٢١ نوفمبر ٢٠٠٨

صفر المونديال و علاقته الطرديه بالمنتدي


بسم الله الرحمن الرحيم
....................................
صفر التعليقات
(علي وزن صفر المونديال)
.....................................................
الاسكندريه بسرعه قبل 19/11/2008
فاضل دقيقتن

كل ما افتكر صفر المونديال لا شعوريا كتجربة لا مؤاخذه الكلب و الجرس

افتكر مدونتي , ليه؟ الواحد مننا ينتع دم قلبه و مجهوده علشان الناس تقرأ و تستمتع ( دا علي

اساس اني جامد ) و علشان حد يرد ابدا , يردو عليا في رسائيل اوف لين علي الايميل , انا

بشكرهم و الله و مش بتبطر علي النعمه . لكني بس انفسي الاقي جمب كلمة تعليقات رقم غير

الصفر , اللي شبه الكحكه السفله اللي انسان لا انساني اخترعها كاداة عقاب في عملاء

الجستابو في المدرسة الابتدائئ هي كانت في رائئ انها عبارة عن كود معين , لا يري الا

من قبل الاباء و الامهات , دليلي علي هذا ليه بالنبابه تلاقي الاب يقوم سفحك القلم ولا عماد

حمدي او كمال الشناوي في اي فيلم من بتوع" انا بحب مصر اكتر منكم لكني بخدمها بطريقتي "
عارف انت الشعور بتاع لا مؤاخذه مجرد كيس جوافه مخروم و كل الجوافه وقعت منه , يعني ملكش / ملكيش لازمه

المشكله ان صفر المونديال العن من صفر فودافون او موبينل ولا حتي الشبكه التالته , لان

مش طبيعي بلد زي بلادنا " تاخد " صفر يعني دا احنا اللي شمهرنا الشمهورش و دهنا

الطحينه , اينعم انا مش عارف هما كانوا هيلعبوا فين ؟ بس اكيد في مكان , ولا اللعبيه بتوع

انجلترا او ايطاليا هينزلوا في فندق ايه؟ كل ده ميهمنيش و انا اللي يهمني اني ممبقاش زي

المونديال و فعلا انا بدات اري بشائر تدل انها ستعود قريبا

النهاية
في الساعه 21/11/2008
يوم 2.10 مساءا

الأربعاء، ١٩ نوفمبر ٢٠٠٨

الاول مبتذل قوي صح ؟!!!


بسم الله الرحمن الرحيم
الاسكندريه في فجر 18/11/2008
اول تدوينه لي منذ العصر الاشوري
....................
برضه هكلم الناس الافترضين بتوع كل مره , واقول مش مهم حد يقرا او لا و الهجص الفرسي , انا ههحاول ابعت لناس كتيره علشان يقروا علشان ميردوش علشان اتقفل انا في الاخر , و الله فكره
............
الدنيا دي غريبه (فحت) بعني انها غريبه جدااا دايما متفهمش هي جي بدهرها ولا بوشها , بتضحك ولا تبكي ؟ حابنا ولا كرهانا ؟
و كل ما تقول فكك , تلاقيها لامؤاخذه في قفاك , تقول انا هعيش مع حالي تلاقي حالك بيصدر صوت مثل صوت معدتك لما تبقي جعان و تشوف محمد احمد ( بتاع الفول مش صحبك ) , او تشم شئ كده قريته في مجله علميه اسمه ( الكفته ) , تقول لا انا هبقي مفيد و هدخل و هقول رايي و مش مهم اللي يحصل يحصل , تفجاء ان اللي بيحصل حصل , بمعني ان في ناس من اول عم عبده بتاع الطحينه انتهاءا الي د/عكاشه بتاع الاقتصاد , بيقولك بكل فخر و اعتزاز يا ( حمار ) ,او ناس معينه بلبس معين يجعلك تكتشف انواع من المتع كانت بالنسبه لك مجهوله
فتقف تضرب حيص في بيص
و الناتج تحاول ان تقراءه لكن للاسف الشديد انك لا تجيد المسماريه
هل ابقي سلبي ولا ايجابي ؟
اتفرج علي مؤتمر الحزب؟
و علي ستار اكاديمي؟
و لا علي قناة الناس ؟
ولا علي القمر الاوربي القناة الرابعه الالماني اللي بتقلب بالليل؟
ولا انام بدري في الاساس؟
انا عارف ان في واحد بيقراء دلوقتي هيقولي يا دم اهلك
ناقصينك احنا بكتالوج القناه الخامسه دي
هرد عليه و اقوله لو مش عاجبك
غير المدونه دي ضغطة زر
لو افترضنا ان حد قراء يا تري يهل تري انت بتعمل ايه؟
بتبقي نفسك ولا بتبقي بتاع الناس؟
انا عن ذات نفسيتي
انا بتاع نفسي يا عم و الحمد لله
اوحد من صرصار ليل في صحراء
بس لا مؤاخذه ثابت علي مبدا
انت بقي ايه؟
شكرا.....

السبت، ٢٢ ديسمبر ٢٠٠٧

الدرس الاول في الحياة

بسم الله الرحمن الرحيم







لم أكتب منذ فترة طويليه جدا نظرا (لوفاتي) في يوم 28/8/2007 حدثت الوفاة , قبلها بكام يوم كنت أنازع من أجل الخلاص الي ان جاء الخلاص ,حمدا لله , الان ان مستريح فالان لا يعرفيني احد , كم جميل هو شعور الموت ,راحة وهدوء أبدية ,لا تفكير في مصلحة او اي شئ يعكرعليك صفو مماتك , كم ان فرح ان جاز التعبير !!! حتي وان لم يجوز طظظظظظظظظظظ , فانا بحق الله متوفي لماذا سوف أكترث ,نصيحة لمن هم في الحياة صدقوني الحياة اقصر بكثير مما تظنون اوحتي لا تظنون , و استغل تلك المناسبة لكي اوجه شكري الخاص والعميق للاكثر الناس ساعدوا علي تعجيل أمري أشكرهم من كل قلبي الا وهو السيد (محمد حسن ) و السيدة الخالدة (آيه )



"" صوت تصفيق ""



والان دعونا ندع كل هذا خلفنا وندعو الله في قلوبنا أن يكون يحبنا , فهذا الشئ الوحيد الحقيقي في تلك الحياة الا وهو الدروس الحقيقه في تلك الحياة




الدرس الاول



Show No Love , Love will Get You Killed

لا تظهر أي حب لان الحب سوف يتسبب في مقتلك



بصفة عامه لا تبين اي عواطف اي لا تكون واضح وفي نفس الوقت لا تكون خبيث , بمعني لا تظهر لمن امامك انك تحتاجه الا في حالة وحيده الا وهي تكون قبلها أخرجت كل ما بداخلك الي الله , سؤاء في مسجد او كنيسة , او حتي في المنزل , هناك من الناس من يلمعون مثل الذهب تنجذب لهم و لكن مع الوقت تكتشف ان هذا الذي (كذبك) كان ليس ذهب ,فكما تعرف الذباب لون عينيه في بعض الاوقات أخضر , ثق في نفسك و قبلها ثق في ربك , لا تخن او تجعل احد يخونك , هذا يحدث لانك تنغمس أكثرمن اللازم في شئ كان واضح منذ اول يوم انه ليس ذهب , فكما تعرف ان الحلم كان منذ الابدية تحويل التراب الي ذهب , ربما يحدث هذا فعلا , ولكن هل تعرف تعريف السحر حقا؟

" السحر هو جعل فيل كامل يختفي من امام عينيك , وجعلك انه فعلا أختفي , مع انه مازال هنا , كيف؟ جعلك تركز في شئ من زواية واحده بينما العمل كله من الزواية الاخري "

أحضن نفسك عندما تبكي و لاتجد من تسند راسك عليه
قول آه ه ه ه ه ه ه ه بأعلي صوتك و لاتكترث لمن حولك فهم لم يكونوا معك في دموعك فقط في فرحتك , فليذهبوا هم و فرحتهم الي الجحيم بسيارة أجرة ليست مدفوعة الاجرة

انت ما انت عليه , ليس ما يقوله الناس لك ,

ماذا لوكان الناس هم الذي علي صواب ؟

طظظظظظظظظظظظظظظظظظظ انت من سوف تحاسب وحدك امام الله , انت من سوف تبكي وحدك في الظلام , انت من تختار , كل شئ رهن يدك وقلبك حتي وان كان بعيد , مت وانت تحاول أهون من ان تموت وانت لا تعرف هل فشلت ام نجحت ,لا تظهر الي اي احد انك تحتاجه الا كنت تشعر ان سوف يفعل المثل لك , اي انه يحتاجك ايضا , غير هذا سوف تقابل من يجعولنك تعتقد ان ليس مكانك هنا ,صدقني اوصدقيني ان كان هناك احد يقراء , لا احد يقرر غيرك انت و انت كنت لا تري هذا و لا تري ان هذا كله حقيقي فعلي الاقل لا تدع نفسك دمية مثل دمي سحرة الفودو يتحكم فيك شئ ليس له اي غرض غير فقط


الاشئ


فكروا ولو لحظات في أنفسكم

هل هذا حقا انتم ما تقولنه للناس؟

هل هذا حقا انتم؟

السبت، ١١ أغسطس ٢٠٠٧

اليوم السابع





بسم الله الرحمن الرحيم

اليوم السابع 10/8/2008
الزمن 12.33 ليلا في احدي السيبرات
..............................................
هل انا ملعون؟ ام أنه جزائي؟ هل انا فعلا هكذا؟ هل ستكون النهاية لي؟ ام ستكون البدايه؟ انا أخاف ان اكون مثل ابي بصراحه ليس خجلا لا ابداااا ابي هو من اعظم من قابلتهم , ولكني فقط اريد ان اكون حلمي هل هذا طلب كبير؟؟؟؟؟ ان اكون جزء من حلمي علي الاقل , انا متاكد ان احد لا يقراء لي الان , وانا حقا لا اهتم , ولكن شعور داخلي انهم سيرونه في يوم , متي هذا اليوم؟ لااعلم ولا اريد ان اعلم , ان لم اكن انا نفسي ولا حلمي , فانا لا اريد , الكل يقول لي , التفكير الكتير و الاهتمام الزائد هو اهم و اكبر عيبوبي , لكنهم لا يقولون انه خطاء علي الاطلاق هم فقط يرونه لا ينفع , امس قال لي صديق , لماذا تتوقع ان يقف بجوارك احد؟ بتسال ليه حد بيجرحك مع انك كنت جنبه الاجابة سهله علشان هو يقدر , لا اكتر ولا اقل , لكن حماقتي لا نهائيه انا اعلم جيدا و تماما اننا في عالم بشع , و انا لست ملاك و لا اسعي لكي اكون , و لكني في نفس الوقت مش قادر مهتمش , واخاف علي صحابي , او حد لجاء ليا في يوم , غباء او لا مش عارف افهم و افهم نفسي اني لازم اتغير و ابقي زي اغلب الناس , ولكني مؤمن ان عالمي ليس بهذا السوء , او ربما , ولكنه علي الاقل عالمي , سيأتي يوم و اقراء كلامي هذا مرة اخري لكن يا تري هل سأضحك , ام انني سأكتب هذا الكلام مرة أخري؟

لا أعلم................

شكرا.

الجمعة، ١٠ أغسطس ٢٠٠٧

اليوم السادس


بسم الله الرحمن الرحيم
اليوم السادس انا طاهر ,طاهر و نقي !!
9/8/2007 الساعه 12.18 ليلا في احدي السيبرات

لم ادون لليوم الخامس لاني كنت احاول ان أموت وفشلت
............................
بشري لكل كم يعرفني جدا , لقد أكتسبت صفة جديده الا وهي أنني نقي , مما يجعلني :

1-أحسن واحد قابلته في حياتي

2-انا عارفه انك اكتر واحد بيخاف عليا

3-انا للاولاك عمري ماكنت اتغير

4-انت الف واحده تتمناك

5- انت نقي

لا اقدر حقا علي وصف مدي فرحتي , يالي من انسان مميز , حقا , لسه دي لم اسمعها , في
الانتظار , كم هي جمليه تلك الحياه لماذا يوجد حمقي من امثالي يملئون الدنيا صراخ وعويل ؟ كم كنت غبي ولم اتنبه لنفسي من قبل فاليسمحاني الله بقي , اما بالنسبة لكل من يرون
العكس سامحوني او لا
فانا فقط لا اريد الحياه انا فقط اريد ان اخلد في الجنه لكي ابكي براحتي من الفرحه , لكي اعيش للابد مع من احب , دون شقه تريد ايجار وانبوبه , اريد ان اعيش علي قرب كل من لم اراهم من الانبياء , ابكي علي حجرهم, و الله ما اكتئاب ,بس فعلا انا لا اريدها
شكرا

الأربعاء، ٨ أغسطس ٢٠٠٧

اليوم الرابع


بسم الله الرحمن الرحيم

اليوم الرابع
7/8/2008
الزمن 12.38 ليلا في احدي السيبرات
.................................
" في معسل؟ " بهذه الجملة أختتمت السيدة العجوز سؤالي فكان الرد الطبيعي لا لاني أعمل بمكتبه تعمل علي بيع الروايات و القصص , لم أستغرب سؤالها , حالت التوهان و الهائمين علي وجههم أكثر مما نتخيل , لكن السؤال هل نحن أشباح من الماضي ذاهبين الي حاضر لا يعلمه الا الله ؟ ام نحن بشر ليس لهم ناقة ولا جمل , فقط نعيش و ناكل ونتزوج و نموت؟ من نحن؟؟
شكرا

الثلاثاء، ٧ أغسطس ٢٠٠٧

اليوم الثالث


بسم الله الرحمن الرحيم

اليوم الثالث 6/8/2008
الزمن : 1.04 ليلا في أحد السيبرات
............................................
انا الحلم المفقود , انا الحلم الذي لم يولد قط , لانه مات منذ زمن طويل , أنا السكوت ,انا الظلام الذي ليس له نهاية , انا النهاية ,انا الالامي , انا سكوتي عن الاضطهاد , انا من قتل الحلم , انا من مزج الواقع بأوراق حكوميه , انا الالم في نهاية راسك , انا الوجع الذي يصيبك في قلبك بعد شعورك بالعجز انك لاشئ , انا شعورك بالعجز عن نطق كلمة أحبك لها , انا شعورك المكروه لفقدانك ذكرياتك , أنه انا , الا يتذكرني أحد , انا اللاشئ انا الذي حاول ان يكون شئ , انا الذي يري العالم من أطار سيارة قديمه , انا من ينتظرك لكي تقول او تقولي الكلمات المنتظره , انا الذي ينتظر الوقت المناسب للموت , انه انا , قلبي و عقلي و وجداني و افكاري المسمه بالتلفاز و اعلان السمنه ,و مسابقات التمثيل , انا الحلم الغبي الذي ليس له وطن , انا الحب و الوفاء في عالم يكره الاثنان معا و يكره الجمال , انه انا , انا الاغنيه الهابطه لقصة حب فاشله منذ البداية , انا القرار الخاطئ بك من البداية للنهاية , انا ترددك الابدي , انا هاجسك السخيف , انا الحلم الذي ينظر له الكل و يسبونه و يحقرونه , انه انا ايها الساده و السيدات ,بكل تواضع أقدم نفسي لكم



أنا

الاثنين، ٦ أغسطس ٢٠٠٧

اليوم الثاني


بسم الله الرحمن الرحيم
اليوم الثاني 5/8/2008
الزمن 12.15 ليلا في أحد السيبرات
..............................................
هل أكون أنا ما أن عليه؟ أم أكون ما يريدني الناس أن أكون؟ هل أتبع حلمي ؟ أم أتبع الحقيقه؟ من أكون أنا لكي أكون مختلف؟ هل أستطيع أن أحب و أتحب؟ هل أكون لي أحد في يوم؟ لا أعلم لماذا تاتي الافكار في عقلي مجددا ؟ و لماذا أكتبها و أكبتها؟ هل هناك أحد يهتم؟ و أن كان يهتم فالحد أمتي؟
لا أعلم و حقيقة أحاول ألا أهتم
شكرا

الأحد، ٥ أغسطس ٢٠٠٧

مذكرات يوميه


بسم الله الرحمن الرحيم

مذكرات ليله دون ألوان !!!

هل المذكرات أمر خاص فعلا كما يقولون ؟ لكن فكرتي عن المذكرات أنها تفريغ للهم أو دعونا نقول أنها تفريغ لما في داخلنا , أذن لماذا لا يراه من حولنا؟ انا لا أعلم ولا أهتم سأجرب حظي فأنا فعلا ليس لدي ما أخسره , واذا أراد احد المشاركه بأي يوم من أيامه سيكون لي الفخر

.........................................................
الليله الاولي : تاريخ 4/8/2008
الزمن : ليل / داخلي في أحد السيبرات

لغاية أمتي؟ سؤال بسئله لنفسي في كل نفس بأخذه في حياتي , لغاية أمتي هتفضل أنت؟ أمتي هتتغير؟ ويلح علي أكثر و أنا أعمل في المكتبة , مكتبة تعمل علي بيع القصص كمصدر للرزق , ربما لاني أشعر بنظرية المؤامره أكثر من أي مكان في حياتي , وربما حتي في أماكن أخري , هل أنا ساذج؟ أم أنني فعلا أمثل دور الساذجه؟ لم أفهم أبدا طبيعتي للغاية الان أو ربما انا أفهم و أستعبط !!! و الله العظيم ما أعرف ,نفسي أكون حلمي , نفسي أكون نفسي , لا عاوز عربيه و عاوز الشقه العريضه أينعم لو جت لن أندم أو أقتل نفسي من شدة الخجل , لا طبعا , لكن تلك ليست أول شئ لي في أحلامي , الكل يريد شئ و الاغلب يريد كل شئ دون أي شئ في المقابل ليس لشئ لكن فقط أنهم يقدرون , مثال المحل اللي جنبنا يفتحون الثلاجه الخاصه بالمشروبات و يشربون بالاجل لغاية هنا منطقي لكن أن لم أري ما أخذو يبقي كل سنة و أنتو طيبين , ليه؟ السؤال يبقي غلط السؤال و ليه لا؟ لو حد سامعني او هيقرا الكلام ده يبقي يرد عليا
وشكرا .

هناك علي كوبري الناموس جلست فأتقرصت





منذ قرون سحيقه لا أعلم عددها لكنني أجزم أنها لن تتعدي سنين عمري الثلاثين أحب أن أجلس علي كوبري الناموس لكي أتامل الفضاء الكوني الذي يتعدي العمارات سيئة الصنع و الملابس الداخليه التي تقتحم المنظر الساحر للاكوام القمامه , أسئل نفسي ماذا يفعل مفكر عبقري مثلي في مثل تلك المناطق الزباله التي يعيش فيها الرعاع و عامة الشعب ,ما علينا ’ آه ه ه ه لو يعلم الناس مدي عبقريتي لسوف .....
"بطاقتك" , لقد استجابت السماء الي دعواتي سريعا الا لماذا يسألني أحد أفراد الشرطة عن بطاقتي غير أ،ه يريد أن يتأكد من كوني فلتت العصر القادم
"يا أبني صدقني التاريخ هيسجل اللحظات دي أنك أول واحد أتكلم معايا "
"بطاقتك"
" يا أبني أنا هو القادم الواعد , أنا الواعد المتوعد أنا ...."
" أبو تريكه؟ "
" لا مش للدرجه دي , أنا أشرف سلطان أحد علماء الذين سيغيرون العالم ويهزونه هز "
" يا راجل , تصدق ولا عندي خبر"
" معلش يا أبني أنا عزرك ,عادي مفيش مشاكل "
" الله يكرمك ,ممكن بقي البطاقه "
" في الحقيقه أنا معيش بطاقه "
"دا ليه أنشاء الله "
"لأن البطاقات دي للعامه , و بعدين أيه فايدة البطاقه ؟ تقدر تقولي ؟ الاسم و العنوان ,كل دي شكليات فارغه , لا تقدم ولا تؤخر ,يعني بص علي أمريكا ..."
" لا من تغير ما تقول أنا هوريلك أمريكا , أتفضل معايا "

من أجمل مميزات العلم بصفه عامه أنه تراكمي يعني مفيش أي ثبات كل يوم شئ جديد كل يوم أكتشاف ,يعني مثلا أنا كنت لا أفهم ما فائدة العضو البشري المطلق عليه القفا ,غير أنه يتم وضع الفوطه عليه ,تلك كان حدود خيالي ,لكن بعد حديثي معه الاخ اللطيف السابق أكتشفت أنه يصلح لعدة أغراض ,منها مقياس قوة التحمل , مدي قدرة الانسان علي الثبات الانفعالي ,المهم أنا الان ملقي في حجره متوسطه الجوده بها عدة أنواع من البشر أكاد أجزم أنهم أن تركوني أتعامل معهم و أجري بحث عليهم لسوف أحوز علي نوبل مستريح , ولا انا لازم يعني أغير أسمي لأحمد زويل علشان أكسب , لالالا كيف لم أفكر في هذا لابد أن هذا كله تمويه , وأن هناك معمل في مكان خفي , شغل علي كبير يالي من أحمق ,الان سوف يدخلون و ينادون علي أسمي أنا واثق من هذا

" ألاخ بقي أيه تهمته؟ "
" (أضحك عليه لانه يؤدي الدور بحبكه دراميه عاليه و أغمز له) كوبري الناموس "
" آه ه ه ه موزع يعني , أخوك في الناضل عجوه شلوفه ,من أكبر موزعين القطاعي , وحصريا معنا الحشيش لكافة فئات المجتمع وطني تجمع تفرق كله كله "
" حصل لي الشرف "
" وشك مش غريب عليا "
" بس أنا تقريبا مشفتش وشك قبل النهارده"
" الله أنت محضرتش مؤتمر من أجل مخدرات أفضل اللي كان في الخرابه ؟ "
" لا للاسف دا كان بتاع مين ؟ "
" فاتك نص وقيه عسلللللللللللللللللللللل , و محاضره للمحاضر العالمي أنور عتمه "
" ياله نصيب "

يدخل العسكري ,ينادي علي أسمي في فخر و قوة , أقوم أسلم علي هذا الممثل الرائع الذي في راي لا يفرق علي ال بتشاينو في شئ , لكنه نصيب ,أدخل علي مكتب الضابط , يبدو علي ملامحه أم ان الحرب بدات أو أنه أبتلع قنفد حي ,نظرا للحقد او الغضب الذي يبدو عليه ,

" بقي أنت هتغير العالم "
" ايه دا ,مفيش حاجه بتستخبي في البلد دي "
" شوف أزاي , و قولت (( هتهز البلد)) صح "
" طبعا دي أقل حاجه عندي "
" أقل حاجه عندي "
"دا شئ كويس قوي , شاويششششششششششش"

يدخل الشاويش و .....


أظلامممممممممممممممممممممم

فجأة يأتي النور لأكتشف أنه هناك كان كيس زباله علي وجهي , تجربه ممتازه فعلا أنصح الكل بتجربتها و يفضل أن كان الكيس تم أستخدامه من قبل , الان كيف أصف المشهد ,هممم دعوني أفكر , آ ه ه ه ه هل رأي أحدكم من قبل مسلسل هرقليز فين الناس اللي بتضرب هرقليز , حاجه قريبه من كده ,المهم أن الغرفه التي كنت أتواجد فيها قريبه الشبه بغرف الجحيم أن كان الجحيم يحتوي علي غرف !!! , للمره الثانيه أكتشف أكتشاف جديد , الكهرباءءءءءءءءءءءءءءءءءءء موصل جيد للانسان , اهههههههههههههههههههههههههههههههههههههههههه
سؤال يتكرر هتز أيه يا حشرهههههههههههههههههه
أقول يا بيه أنا كنت أقصد
,تقصد أيه يا حقير دا أنت هتهز هز يا سيدي علي اللي هيحصلك
يا بيه أنا كنت أقصد أني بأفكاري كنت هقدر أوفر علي البلد دي ....
" أنت توفر علي البلد موهاهاهاهاهااااا حلوه دي قولي نكته كمان"
" بيقولك مره واحد حب البلد أتقبض عليه "
صوت صرصور الليل كان واضح جدا بعد آخر كلمه قولتها بعدها رد علي برد أظن أنه من المفروض أن تكون في سن التاسعه و التسعون لكي تفهمه و تستوعبه

" ليه كده بس "
" معلش انا اسف "
" لا ولا يهمك "
" يا سيدي علي الادب , لا متربي يا له , مين اللي بيمولك "
" وزارة التموين كل أول شهر "
" يا راجل أنت واصل بقي "
" فعلا أنا مركب وصله "
" يا صلاة النبي , دا جهاز الشفرة بتاعتك صح ؟ "
" لا انا بستخدم الشفرة أم جنيه رخيصه "
" قول و أشجيني "
" ياليلييييييييييي يا عينييييييييييي "
" علي الفولتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت"
"والله ما هغني تاني ولا هشتم الزمالك تاني , السماححححححححح"
" و أنت يا غادرر مرحمتش اللبلد اللي أوتك ليه؟ البلد اللي حضنتك , اه يا كلب "
" يا بيه مخدتش بالي من الحضن , والله ما خدت بالي "
" ولا يهمكككك علي يا ابنييييييي"

المهم قررت أن أوفر علي البلد فاتورة كهرباء عاليه , و أعترفت أني من قتل أطفال الشوراع , وأني من أوقع برج التجارة العالمي , و أن وبكل فخر من قتل كينيدي , سبب هزيمة الزمالك 6/1 , و أن السبب الرئيسي في تزوير كل الانتخاابات و أنا من أوجد السحابه السوداء , و فشلي الذريع في تأميم أمبابه ,للاسف , كم كنت خائن ولم ألاحظ , كم انا وغد , آلان أجلس علي كوبري الناموس , لا لكي أتامل الكون الفسيح ولا حتي الملابس الدخليه , انا بقيت بهش الناموس ,
أمشي يا ناموسه يا مفعوصه متقرسنيش , امشي ,هششششششش
أخيه عليكي هشششششششش
هش بقي .