الأحد، ٣٠ أكتوبر ٢٠١١

علاء ومينا وبهاء لا لحكم العسكر











لما الشهيد مينا دانيال
اللي قتله العسكر
ومات
قصدي اتقتل
اسمه ف قوائم المطلوب محاكمتهم عسكريا
في احداث ماسبيرو

وعلاء عبد الفتاح اللي كان طالع عينه من قبل
الثورة 
يتحاكم او يتقبض عليه عسكريا
بأمارة ايه؟

وبالنسبة 
ل shemale
اللي اسمه احمد زبايدر 
متساب وواحد اقل ما يقال عليه
انه حيوان
توفيق عكاشة
يتكلم ويسري فودة يتقفل
يتقال ايه تاني


الجمعة، ٢٨ أكتوبر ٢٠١١

سوبيا

المسافة من منزلي الي النادي
سيرا علي الاقدام
تستغرق ساعة
من خلال الموصلات 
نصف ساعة
يوم التمرين الخاص بها
استغرق عمري كله تقريبا
دعني اوضح الامر 
هي تلعب سباحة في النادي 
ثلاث ايام في الاسبوع
هي بكل تفاصيلها 
تجعلني عاجز
هي أبسط انسانة يمكن ان تقابلها
هي :
" بنسي كل همومي وانا بعوم ، صدقيني مش هتعرف غير انك تجرب "
انا اكره ملمس المياه علي جسدي
ربما فوبيا لا اعرف اسمها
أكره رائحة الكلور المطهر في حمام سباحة
ولكن عندما تتمرن يصبح كل الحمام برائحتها
رائحتها هي بس
تبذل مجهود غير منطقي 
في التمرين 
بينما هي تتمرن لا للبطولة 
ولا للاي شئ 
فقط لها 
تشعر ان مكانها هي المياه
لم اراها قبل ذلك في المياه البحر
المالحة ، التي تقلل كثيرا من قوتك 
نظرا لملوحة المياه 
لكنها دائما تحكي لي
عندما تصر ان نتمشي حتي منزلها وانا احمل لها
الشنطة السوداء التي بها معداتها للتمرين
تحب الغوص تحت المياه
مع بداية قفزة start
اراها تنظر لي مع كل بداية قفزة
تقول لي شئ ما
لم اتمكن يوما ان استوعب ما تقوله
ربما لان شفافها تهتز 
او ربما لان صوت المدرب عالي
ولكن دائما صوت قلبها ما قبل ان تلمس المياه أعلي
مع بداية تدريبها علي القفز 
كانت في حالة لم اراها عليها ف يوم
تقول

" حرة دا اللي انا بحسه ، نص جسمي بره ف الهوا لوحدي
العالم كله تحتي مش شايفه حد قدامي 
لما ببص قدامي وباخد نفسي علشان انط
بلاقيك ف وشي
بشوف الميه عبارة عن حضنك
حرة دا اللي انا بحسه "

أبكي في صمت تمسح وجهي 
وتبتسم وتتعلق بذراعيها في ذراعي اليمين
تنظر الي وجهي 
تجعلني انسي كل شئ
واي شئ

عارف أحلي حاجة في التمرين 
ايه؟

ارد في هدوء 
أنتي؟ 

" تقولي لا 
انت مش علشان انا بحبك
ولا علشان احنا سوا
اول مرة جبتلي سوبيا 
بعد التمرين
انت مش متخيل انا اد حسيت اني 
ملكة 
في عالم مفهوش مخلوق غيرك
كل مرة وانا واقفه ومستنيه دوري انتي انط
لازم ابوصلك
حتي وانا تحت الميه
برده مش علشان بحبك 
برده مش علشان اي شئ
بس عينك 
نظرتك اللي بتدفيني 
شفايفيك اللي انا شايفيها بتدعي
في كل مرة 
بتحرك فيها
بتخلي جمسي كله يترعش حتي لو الميه دافية

احاول اسكاتها
اعجز
احاول ان ابكي
اعجز
احاول ان استوعب كلامها
اعجز
احاول ان أحضنها
اعجز
احاول ان اقول لها انها سمكتي
اعجز
احاول ان اقول انها بحري ومحيطي
اعجز
احاول ان افعل اي شئ
اعجز

اجري فجاءة 
و بكل قوتي اعبر السور بقفزة واحدة
كلامها يمر من خلال قلبي وروحي
بينما انا في اطار السقوط الحر
اتذكر فوبيتي 
من الماء ومن الاماكن المرتفعة
واتذكر كلامها
اتذكر احساسها وهي تتمص السوبيا
وهي تبتسم
اتذكر ترددها عندما رأت اول مرة رأت السوبيا
اتذكر وهي تقف علي حافة المنط 
اتذكر كلامها وانا احاول أن اخمنه
اري الماء
يقترب مني ولا اخاف 
اقترب انا منه اسمع اسمي يتردد من خلفي
منها
لا اتذكر
يديها وهي تضرب المياه وتكسر سكونها 
خطوط النفس وهي تخرج منها خطين
وجسمها المتلاحم مع نفسه
وقدمها تعمل علي جعلها
متوازنة
يدي تصبح امامي اخترق المياه
المياه تحاوطني من كل اتجاه
لا اشعر بكتلة جسمي
انظر فوقي اراها تقف تبتسم
وهي ممسكة بالسوبيا
اجد قدمي تبدل بمفردها كوسيلة دفاع 
انفاسي تخرج سريعا
ولا اريد العودة الي فوق 
اريد ان انزل اكثر وان اغوص اعمق 
اكره الان عجزي
بمقدار حبي لها 
اجد نفسي افتقدها بشدة
اجد جسدي يتحرك الي اعلي
اخرج
اجدها واقفة
تدعو
اجلس بجوارها 
تتعلق بذراعي الايمن 
وتعطيني 
اخر جرعة من السوبيا 
اتجرعها
انام علي كتفها 
وانسي كل شئ 



الأربعاء، ٢٦ أكتوبر ٢٠١١

الصفقة

الصفقة كانت غاية في السهولة

" أمسحي كل الولاد اللي عندك علي الفيس وعلي الموبيل " 

ردت في أبتهاج غير مبرر 

" وايه المقابل؟ "

رد في غرور الطاووس 

" حبي " 

لم يدري كم السباب التي جئت الي عقلها 
البرئ  لكنها لم تصرح بأي شئ فقط قبلت 
بتلك الصفقة 

" أيه الهباب اللي انتي لابساه دا ؟ "

نظرت الي العباءة التي اختارها معها يوم شرائها 

" مالها ؟ انت مش كنت معايا يوم ما اشتريتها  ؟ "

رمقها بنظرة لو كانت النظرات تحرق لكانت كومة رماد الان

" من الاخر كدا الجو ميلزمنيش ، انتي تتنقبي يا كل واحد فينا ف سكة " 

" بس .. "

" مفيش بس ها؟؟ "

لا تعلم لماذا تخيليته هو مقتول بعد سحله عدة كيلو مترات 
ولكنها لم تعترض وقبلت بتلك الصفقة

" هو انت كنت بتكلم مين اكتر من تلات ساعات امبارح؟ انا فضلت اتصل بيك امبارح كتير قوي ، وانت ولا حتي عبرتني "

" وانتي ايه مشكلتك ؟ كنتي عاوزه ايه يعني ؟ "

" كنت محتاجه اتكلم معاك ،  كل الناس قالتلي انهم شافوك مع كذا حد "

" وانتي عاوزه ايه ؟؟ انا راجل واعمل اللي انا عاوزه ولا عوزاني استاذنك قبل ما انزل واطلع ، وبعدين مين الزباله اللي قالك ؟ وانتي تعرفي مين يعرفني علشان يقولك؟
وبعدين تعالي هنا ؟؟ انتي بتجسسي عليا ؟؟؟ حلو الكلام دا قوي "

" انا مقولتش دا انا بقولك كنت مع مين؟  بس مش اكتر ولا اقل "

" لا انتي لازم تفهمي كويس حدودك ، فوقي كدا ، انا اعمل اللي انا عاوزه ، وبعدين انتي فاكره نفسك ايه بالظبط؟ اتلمي واتكلمي عدل احسن والله والله العظيم اخلي اللي ما يشتري يتفرج ، ويبقي قابليني لو حد رضي يبصلك حتي ، كويس قوي اني مرتبط بواحدة زيك "

" دا اللي هو ايه انشاء الله اللي زي دي؟ "

" يعني واحدة قبلت انها ترتبط ، وبتحطي مكياج وبتنزلي وكان عندك ولاد علي النت ولا فيه رابط والدينا حلوة معاها شوفي انتي بقي "

" انت اكيد بتهرج صح ؟ " 

" لا طبعا "

أخذت نفس عميق 
وكأنها تغوض في اعماقها 
جرت دموعها من قلبها الي مجري عيونها
الصرخة تتكون ف الحلق 
تتندفع وتكسر كل شئ في طريقها 
كل هذا الغضب تخمض عن

" صح عندك حق انا موافقة " 

الاثنين، ٢٤ أكتوبر ٢٠١١

بكل بساطة

اسمي بكل بساطة يحيي 
اسمها بكل بساطة أحلام
من وانا صغير بستغرب الاسم دا
أحلام
لحد ما قابلتها 
فهمته بالتدريج
من مجرد كوني كنت بنام
الي كوني بغوص في عالم الاحلام
احلام ملونة 
صغيرة 
نقية 
اسمي بكل بساطة أحلام
اسمه بكل بساطة يحيي
يحيي من الاحياء 
او دا اللي انا كنت فاكراه
او دا يمكن اللي كنت حاساه
يحيي 
من تحويل دموعي الي ابتسامة 
من احياء قلبي من السكون والجمود
الي الانفعال 
يحيي 
يوميا بيحولني من مجرد بنت
الي اميرة صغيرة 
في مملكة مفهاش غير مواطن واحد

اسمي بكل بساطة يحيي
اسمها بكل بساطة أحلام

أحلام 
يمكن يكونوا سموها كدا
علشان كل يوم احلم بيها حلم عظيم؟
يمكن اسمها ليه علاقة بيها من حيث كونها ف الواقع مش بشرية
ومجرد حلم ؟
او يمكن مجرد وصلي ليها 
وشكل ابتسامتها حلم؟

أسمي بكل بساطة أحلام
أسمه بكل بساطة يحيي

دايما كنت بسئل نفسي 
هي البنات دي عبيطة؟
ازاي بيبقلو علي نفسيهم حد يقولهم اعملوا وسوا
دا اخره ابويا وشكرا
دلوقتي بقيت مستمتعه

دايما بقيت بسئل نفسي
ازاي حركة صغيرة او كلمة 
كنت بسمعها كل يوم 
بقت بتخليني 
بشوف الحياة باللالوان الطبيعيه؟
مع انه نفس الكلام؟
هو انا ازاي ببقي مش انا وانا معاه؟

هو وهي ميعرفوش الكلام دا
مخدوش بالهم ان اسمايهم
بيكونوا معني لطيف
أحياء الاحلام
او
أحلام يحيي

أسمه بكل بساطة يحيي
وأسمها بكل بساطة أحلام
اسمايهم البسيطة
هي ابسط شئ 
في حياة متداخلة
اللي انا كاتبه كان مجرد تخيل
اللي انا كاتبه بكل بساطة
عنهم
عن احلامهم 
اللي بتقاوم النهاية
عن حياتهم الصغيرة الملونة
بلون اللي جربه قبل كدا
بياخد وقت طويل علشان يجربه مرة تانيه
اللي انا كاتبه
مش ليهم علي اد ما هو عليهم
لعل الله يجعل 
من اسمائهم
نصيبا في حياتهم
:)
٢٤/١٠/٢٠١١


الأحد، ٢٣ أكتوبر ٢٠١١

رسالة مستقبلية

بنتي أسكندرية
انتي مش متخيلة انا بحبك اد ايه
:))))
ومش متخيلة انا مستني اقابلك ازاي
انتي حلم حياتي
الساحر
حتي لو هقابلك ف الجنة
كل يوم بشوفك بعيني الخيالية المريضة
بنتي
ف يوم الجنة كلها هتبقي تحت رجلك
وانا كل يوم هبوس رجلك
رجلك الصغيرة قوي 
هقعد اتعلم 
ازاي اعملك شعرك ضافير
مش هخليكي تحطي حلقان لغاية ما يبقي عندك ٧ سنين
عارفة يا الكسي 
احلي هتبقي معاكي
وانا كل يوم بألف ليكي قصة علشان تنامي
اول كلمة ف ودنك
بحبك يا اسكندرية
وربنا بيحبنا سوا
وعلشان كل الحب دا اوعي تكسري قلب حد
هتنامي في حضني 
هنتعلم كل شئ من اول وجديد يا حبيبتي
مش بوعدك بالجنة ع فكرة
ولا بمستوي معيشة اسطوري 
انا بوعدك 
بحبي ليكي
اسكندرية انتي هتكوني احسن شئ حصلي
بشعرك الناعم الاسود الطويل 
اللي هعيط وانا بعمله ليكي للاول مرة
بعنيكي اللي شبه لون الليل والنجوم بتتغزل فيه
وايدكي الناعمة 
الدافية صيف وشتا
الحسنات اللي في وشك وعلي اول كتفك
هكون حافظ عددهم
هلبسك كل يوم الجزمة
وهعلمك ربطة الفيونكه
هنقعد ع البحر نقراء سوا ونلون
اسكندرية يا حبيبتي
لو محصلش كل دا مني
للاي سبب من الاسباب
اعرفي بس بجد
اني بحبك قوي
لغاية ما اشوفك
ولغاية ما نتقابل
بحبك
٢٣/١٠/2011

الجمعة، ٢١ أكتوبر ٢٠١١

dedicated for my daughter (Alexandria) -coldplay



When she was just a girl
She expected the world
But it flew away from her reach so
She ran away in her sleep
And dreamed of
Para-para-paradise, Para-para-paradise, Para-para-paradise
Every time she closed her eyes

When she was just a girl
She expected the world
But it flew away from her reach
And the bullets catch in her teeth
Life goes on, it gets so heavy
The wheel breaks the butterfly
Every tear a waterfall
In the night the stormy night she'll close her eyes
In the night the stormy night away she'd fly
[ Lyrics from: http://www.lyricsfreak.com/c/coldplay/paradise_20980626.html ]
And dreams of
Para-para-paradise
Para-para-paradise
Para-para-paradise
Oh oh oh oh oh oh-oh-oh
She'd dream of
Para-para-paradise
Para-para-paradise
Para-para-paradise
Oh oh oh oh oh oh-oh-oh-oh

La-la-la-la-la-la-la
La-la-la-la-la-la-la-la-la-la
And so lying underneath those stormy skies
She'd say, "oh, ohohohoh I know the sun must set to rise"

This could be
Para-para-paradise
Para-para-paradise
This could be
Para-para-paradise
Oh oh oh oh oh oh-oh-oh
This could be
Para-para-paradise
Para-para-paradise
This could be
Para-para-paradise
Oh oh oh oh oh oh-oh-oh-oh

دعاء نصف سري


يارب .. ياخالق السما والارض
والطول والعرض
يارب .. ياربي 
ياربنا يارب المستضعفين
والخائبين والفرحانين 
يا الله .. اللهم اني ادعوك
ان تصلي علي نبينا محمد صلي الله عليه وسلم
اللهم اني ادعوك 
ان ترحمها وتراعها 
تحميها من نفسها 
ومن الدينا 
ان تنور ليها روحها وعقلها وقلبها
يارب 
اللهم اني اشهدك 
انها عبدتك بنت عبدك
ابنة أمتك
ناصيتها بيدك
ماضا حكمك 
عدلا فيها قضائك
ان تراعها وتبعتلها كل يوم
ملاك يصلي عليها لغاية ما تنام
يارب 
والنبي خلي يومي قبل يومها
سامحها علي تقصيرها من ناحيتك
يارب 
انت عارف كويس اد ايه هي بتحبك
يارب 
هي مالهاش غيرك 
ولا اهلها ولا صاحبها 
ولا حتي نفسها
انت خلقتها
ونفخت فيها من روحك
انا عارف انك مش ناسيها
بس هي برده عمرها ما بطلت تحبك
حتي وان نست او مقالتش دا
يارب 
بحق سمائك اراعها من علاك
يارب 
احميها واهديلها سرها 
ونور لها من نورك 
قلبها وعقلها 
وروحها 
يارب
خلقتنا من طين 
بحبك وحنانك اديتنا من روحك
دافيها بنورك وبروحك
احضنها بملايكتك
بسحابك
بمخلوقاتك
يارب
نجحها في حياتها
ونولها احلامها
حتي لو بعيدة
حتي ولو مش سعيدة
حتي ولو مش ملونة
بارك ليها 
بسمتها 
بارك ليها 
ناجحها
بارك ليها 
حياتها
بارك ليها
اهلها واصحابها
حتي لو انا مش ضمنهم
او لو ضمنهم
نورك اكبر ورحمتك اشمل واعم
حبك ليها 
اكبر من اي شئ
يارب
ياللي عمرك ما بتقفل بابك في وش حد
يارب
ياللي قولت ادعوني استجب ليكم
يارب
لو ينفع اني اطلب
منك دا يارب
كل اللي هي محتاجه منك يارب
حضن كبير دافي طويل
يارب
انتي ادري بكل شئ
وعالم بالكلام اللي مش عارف اقوله
والدعا اللي ساكت
يارب
اللهم اني اشهدتك اني احبك
واسلمت وجهي ليك
فارحمني
وتقبل دعاء عبدك الخاطي
المقصر
يارب
عاوز لما اقابلك تكون حاببني
واكون بضحك
واكون لوحدي
يارب
دي امانتي استودعتها عندك
لحين نلتقي
:)

الخميس، ٢٠ أكتوبر ٢٠١١

أفيش فاضي

بوصي بقي 
عاوز اقولك علي كام شئ
كدا علشان بس انا جبت اخري
الحياة عمرها وعلاقتنا تحديدا
عمرها ولا عمرها ما هتكون فيلم سيما
انتي بتحبي تتفرجي علي الافلام العربي
وتعيطي و تقولي 
آحيه بجد هو دا الحب
اللي انا بحلم بيه
احب اقولك ان دا عمره ما كان حقيقي
لو انا جيتلك ببدلة موف  بالعربية وفضلت اضربلك كلاكس
وطلعلتك من الشباك 
ومعايا بوكيه ورد وفضلت اقولك سامحيني
علشان زعلتك
الجيران هيطلعوا ف الغالب يسبوا الدين
وهيقولوا عليا اني شاذ

عمرنا  لو اتقابلنا علي البحر
حتي لو متجوزين هبوسك ف بوقك
وهفضل اتمرغ انا وانتي ف الرملة
لان البحر فاضي ولان دي رومانسية
سيبك اننا هنتسحل سحلة الكلاب
سيبك من محضر الاداب اللي مستنينا
الرملة هتمرمط كرامة اهلينا
وهتكفر ايامنا

عمري ما هكون سكران وهجيلك تحت البيت
واقولك انا بحبك
وكلمني علي الموبيل
وانتي هتردي عليا 
وهتخافي عليا
وتفضلي معايا ع الخط لغاية ما اروح
ولا كانك متربية في خمارة
وانا متربي زريبة
ولا كأن فيه عسكر
ولاكأن فيه جيران

مش هخونك مع كوكب الارض
واجي اقولك انتي عارفة اني بحبك انتي
مش هعرف كل الكوكب واقولك انتي اللي جوه القلب



مش هحطلك اعلان
اقولك اتجوزيني
ولا هتصل باسامة زفت اقوله مشكلتي
ولا هبعلتك رسالة علي شريط ميلودي
ولا بال mmu



ازاي بتقدري تشوفي ان دي رومانسية؟
وبعدين نفترض اني علمت دا
انتي عمرك
ما تستحقي اني اعلمك نسخة
من نسخة
انتي طبعة اولي
اصلية


الافلام فيها
cut
و
photo montage
بيدل علي مرور الوقت وتبدل الزمن
فيها كمان
تصاعد وهبوط مدروس
فيها سيناريو واضاءة
ومساعد مخرج
فيه مونتاج بنقطع القع السخيفة
والطويلة والمملة والمكررة

الحياة فيها انا وانتي
بس

انا بحبك بكل اشكالك
بحبك زي حبي لبلدي الغريبة دي
اللي بتكفرني بيها وفيها
بحبك وبعشق شعرك ولون بشرتك
اللي بيفكرني بالشيكولاته السايحة
الافلام العربي
يا اما حالمة
لدرجة العبط
يا واقعة لدرجة الالم
يا اما تافهة لدرجة الترجيع

يمكن انا مش حلو زي احمد عز
ومش 60 راجل ف بعض زي احمد السقا
ولا جسمي حلو زي اسر ياسين

بس انا عمري برده ما طلبت انك تكوني زي يسرا اللوزي
او مثقفة زي هند صبري
ولا تلبسي زي داليا البحيري

انا عوزك انتي
تكوني 
فيلمي
قصتي
وسيناريوهي
وحواري
اخراجي ومونتاجي
اعلي ايرادت
واحسن راي نقاد
احلي بوستر ف اوضتي

انا بحبك انتي بطريقيتي وبطريقيتك
مش بطريقة افلام عمرها ما هتحصل
وبيضحكوا عليكي بيها
علشان ياخدو فلوسك
ودموعك

انا عاوزك انتي 
بكل تفاصيلك وبكل ديفوهاتك
اقبليني زي ما انا
انتي مشاهدتي الوحيدة
وانتي جمهوري الوحيد
انتي اكبر شاشة عرض ليا
واحلي بكرة خام 
صدقيني لما اقولك
ف كل مرة
اني بعشقك
أو بسئلك انتي ليه وازاي حبيتي واحد زي؟

بعشق ضوافرك المعمولة بلون مش باين
الكحل تحت عنيكي
الدبابيس الصغيرة اللي بتثبتي بيها خصلك
طريقتك وانتي بتخبي ضحتك
طرف ودانك اللي بتحكيه لما تتحرجي

حبيبتي

وستي وتاجة راسي

انا مش عاوز اكون فيلم عيد
او فيلم مواسم
انا مش مرحلة انتقالية 
ولا حكومة اداء اعمال
انا مش عاوز بالخلود
لانه مش موجود
ومش عاوز كلام رومانسي
لان
كفاية اني بس اشوفك بتضحكي دي نعمة لا تقدر 
انا عاوزك تدعيلي
عاوزك تحضنيني بقلبك
وتعنفيني بعنيكي
وتضحكيلي بروحك
عاوزك انتي
انتي

نجمتي المفضلة
أشكرك علي كونك 
انتي
حبيبتي


الخميس، ١٣ أكتوبر ٢٠١١

عزيزتي الجلطة

اهداء الي القدم السليمة
:)

عزيزتي الجلطة
ازيك ؟ ايه الاخبار؟ احب اقولك انك وحشتيني قوي
انا عارف انك لسه موجودة
وانا عارف انك متضايقة مني
عارف كمان ان وجودك مهدد وجودي كله
بالزعل والاختفاء
بس صدقيني 
الفترة اللي فاتت مكنش قصدي خالص اخليكي 
تتضايقي وتقومي 
مكنش  قصدي انك تنشطي 
بس كنت محتاجك قوي 
لحاجات كتير
عارفه يا جلطة 
لما مش بتبقي حاسه باي شئ
باي شئ 
انتي مثلا اسمك جلطة ليه؟
علشان الدم بيتجمع في مكان وبيقف ف مكانه
مش بيجري ويبقي حر
متجلط
صح؟
انا تقريبا زي
متجلط
انتي بقي ساعات بتساعديني 
اني احس
اني اصلا عايش وان الريموت شغال
واني مش انسان 
عارف انك ممكن تزعلي مني
و ان زعلك مش لطيف
بس صدقيني
وانا عارف ومتاكد انك متاكده 
اني مكنش قصدي غير اني احس
باي شئ
حتي ولو بيكي
عزيزتي الجلطة
اوقات كتير 
بحسك وحيدة قوي
وانك غامضة قوي
حتي لما روحت للدكتور سكت
وبص عليكي ف الاشعة وقال
غريبة 
انت اللي ف سنك مينفعش تجليهم بالشكل دا
مفهمتش يعني ايه اللي ف سني؟
يمكن علشان كنت صغير وقتها؟
بس 
السن مش المعيار
صدقيني
مع اني صغير بس كبرت بدري 
وزيادة عن اللزوم
شوفت حاجات كان المفروض اشوفها اليومين دول
حسيت بحاجات 
مكنش لازم ولا ينفع احسها
بما فيهم انتي ع فكرة
انا عمري ما كرهتك
مع انك المفروض بتهددي حياتي 
بس انا واثق فيكي
لانك جوايا 
وعارفه كويس قوي
انا عامل ازاي
وياما ساعدتيني
عزيزتي الجلطة
أحببت ان اقول لكي بكل بساطة
أشكرك